Shillong:U Myntri ka tnad ka koit ka khia u James PK Sangma, u la kyntu ia ki nongshong shnong ha ka jylla ba ki dei ban shim khia bad ban wan shakhmat na ka bynta ban ai ia ka tika ban iada na ka khlam Covid -19, ha kaba u la kyntu ruh ba ha kine ki aiom jong ki por leh kmen, ki nongshong shnong, ki dei ban bud pyrkhing ia ki SOP ha ba ki leit ban shim bynta ha kum kine ki jingialang ba bun briew.
Haba ia kren bad ki lad pathai khubor, ha ka sngi ba ar u James PK Sangma, u la ong ba haduh mynta ha ka jylla ki dang don ki briew ki ba dang ngat ha ka jingpang Covid -19 bad kumjuh ki ba khlad ruh na kane ka jingpang hynrei na ka liang ka tnad ka koit ka khiah ka peitngor sani bha halor kane ka bynta.
U la iathuh ruh ba na ka liang ka sorkar jylla lyngba ka tnad ka koit ka khiah, ka la long kaba pynkhreh bha ban ia khun pyrshah lada ka bynta balai jong ka khlam Covid -19 kan wan lyngshop biang ha ka jylla.
U la kubur ruh ba bun na ki jingialang paidbah bun hi na ki nongshong shnong kim treh shuh ban bud ia ki SOP ba la buh da ka tnad, hynrei na ka liang ka tnad ka pyrshang ban pynthikna ba ki paidbah kin bud ryntih ia ki protocol bad u la kyntu ruh ia ki nongshong shnong ba kim dei ban khein sting ha kaba yn ym lah ban tip ha ka no ka por ka khlam kan wan lyngshop biang.
“Ngi dei ban long ki ba phikir bha bad ban bud ia ka protocol ki ba lah ban pynsuki ia ka jingpursted u ne u khniang jingpang”la ong u myntri ka tnad ka koit ka khiah .
U la iathuh ba na ka liang ka sorkar ka ju iai pyrshang ban kyntu ia ki paidbah ba kin wan shakhmat ban shim ia ka Vaccine bad lada don ka jingpursted ha kane ka jingpang na ka liang ka sorkar ka la pynkhreh ia ki jaka sumar.
Na ka liang u Myntri u la pynpaw ruh ba na ka liang ka sorkar lyngba ka tnad kan ia leh shitom ban lah ban pyndep 100 % ka jingai tikka ia ki nongshong shnong bad halor kane ka bynta na ka liang ka sorkar ka iai kyntu ia baroh ki nongshong shnong kiba ym pat ai ia ka tikka ba kin wan shakhmat.
Phi don ban ong eiei?