Shillong: Ka Shillong All Faiths Forum (SAFF), ka la rai ban iakynduh biang bad ka sorkar jylla, ha shwa ban rai khatduh halor ka jingplie biang ia ki jaka mane Blei bad ki iingmane ha ka jylla.
Ka SAFF kan sa iakynduh bad pynlong jingialang bad ka sorkar ha ka 7 tarik Nailur 2020.
Kane ka kynhun jong ki nongialam niam ki la shim ia kane ka rai mynta ka sngi ha ka jingialang jong ki ha Umshyrpi College hapoh ka jingialam jong u Bishop Purely Lyngdoh.
U joint secretary jong ka SAFF u Naba Bhattacharjee u la iathuh baka kynhun ka la dep iathir jingmut bha hapdeng ki nongialam jong baroh ki nongialam jong ki kynhun ka balang bapher bapher ban rai ban leit kynduh biang sa shisien ia ka sorkar jylla la sngi nyngkong kata ka 7 tarik khnang ban ioh ban iapyrkhat sani shuwa ban plie biang ia ki jaka mane Blei bad kiwei pat ki jingdonkam ha kum kine ki por.
Phi don ban ong eiei?