Ki lad khubor ki iathuh ba ki lai ngut ki nongialam ba pawkhmat ka Jammu and Kashmir, kiba kynthup ia ka Mehbooba Mufti, U Omar Abdullah bad U Sajjad Lone, ki la shah set phatok ha ki iing sah jongki, naduh hynnin ka shiteng miet Sngi U Blei.
La iathuh ba ia ka internet bad ka mobile ruh la pynsangeh trei kam, ha kiba bun ki jaka bad la khang ia ki jingialang ha Srinagar District, ha kaba la pyn jari ia ka sekshon 144 Cr PC.
U Omar Abdullah, Vice President ka National Conference jong ka Jammu and Kashmir, u tweet hynnin ka janmiet, ba la pynjari ia ka korphiw, ba khlem pynbna ha Kashmir bad ba yn set phatok ruh ia ki nongialam ba kham rangbah ha ka Jylla.
Phi don ban ong eiei?