New Delhi:U Dinesh Trivedi, uba dei u dkhot ka iing dorbar Rajya Sabbha, na ka liang jong ka seng Trinamool Congress bad uba dei u myntri barim ka tnat rel jong ka sorkar India, ula pynbna ha ka iing dorbar, katba u dang shim bynta ha ka jingkren myn hynnin ka sngi, ba un iehnoh ia ka shuki Rajya Sabbha jongu, ha kaba ula ong ba ula sngew sma iewkhong, ia ka jinglong jingman ha kine ki sngi, ha ka jylla jongu ha West Bengal.
U Trivedi, u ong ba u hap shim rai, ha la ka jong ka jingmut jongu hi marwei, hadien ba u iohi ia ki jing jia jong ki kam ia shoh ia dat, kiba bun, kiba jia ha kine ki sngi ha katei ka jylla.
U Trivedi, ula iasoh bad ka seng TMC, ha u snem 1998 bad ula long u myntri ka tnat rep bad kumjuh u myntri khynnah ka tnat Health and Family Welfare, ha kaba ula mihkhmat sha Lok Sabbha na Barrackpore bad hadien kata, ula long u dkhot sha Rajya Sabha.
Phi don ban ong eiei?