Shillong: U MLA bad MDC ka Congress u bah Gabriel Wahlang mynta ka sngi, u la ong ba ka Congress kan ym iatreilang bad ka NPP, ha ka sorkar jylla, hynrei ha Khasi Hills Autonomous District Council te hooid.
Haba kren mynta sha ki lad pathai khubor, u bah Gabriel, u la ong ba ka Congress kan kyrshan bad iatreilang bad ka NPP, tang ha Khasi Hills Autonomous District Council (KHADC) hynrei kam ym iatreilang ha ka sorkar jylla ka MDA-II.
U la pynksan nia da kaba ong ba ka District Council ka don ka jingiapher na ka jylla, namar ba ka peit ia ka riti dustur. “Ka District Council ka iapher na ka jylla namar ba ha District Council, ngi peit ia ka riti dustur jong ka jaitbynriew, bad kam don kano kano ka lynti ban leit kyrshan ia ka sorkar MDA-II”, la ong u bah Gabriel.
Hynrei ha kajuh ka por, u la ong ba u Myntri Rangbah ka jylla uba dei na ka NPP u Conrad K Sangma um pat ong eiei ban pan jingkyrshan ne khot lang ia ka Congress ha ka sorkar MDA-II.
Ha kajuh ka por, u la iathuh ba ka Congress kan pynlong ia ka jingialang, ha ka sngi Balang ban iathir ia ki kam sain pyrthei.
une u Gabriel wahlang u la bam armaloi na tulop MDC bad Tulop MLA ruh u bam..ka mut u la long lypa u briew uba lalot bad khwan myntoi palat pud…
U Mukul u la pyrshang ban pynduh ia ka kam ar maloi hynrei ka aiñ pat ka shah.