Nongpoh: Ki nongialam ka Nongpoh Town Committee (NTC), myn hynnin ka sngi ki la leit ban synreit um dawai Disinfectant, ia artylli ki jaka sumar paidbah kiba don ha Nongpoh, kata ia ka Bethany Hospital bad ia ka Nongpoh Civil Hospital, nalor kitei ki jaka sumar paidbah, la synreit um dawai hapdeng ka Sor lem bad kiwei ki shnong, kata naduh Mawriangum terter shaduh Umlyngkdait bad khamtam eh ia ka pdeng jong ka Sor Nongpoh.
Ia katei ka jingsyn reit um dawai Disinfectant, la iarap ruh ban bei pisa da u Bah Sosthenes Sohtun MLA ka Jirang bad ka CMJ Breweries Byrnihat, kumjuh ruh na ka tnat Meghalaya Fire Emergency Service Nongpoh.
Ki nongkitkam ka NTC, ia kaba la mihkhmat da u Bah C.B Syiem Chairman ka NTC bad u Bah Bah Rayonald Kharkamni Secretary ka NTC, ki la ong ba ka nongrim kaba la pynlong ia ki ba kin shim ia katei ka sienjam ban phah synreit um dawai, ka long shibynta ban pyniap ia ki khniang jingpang bad ruh kum ban iada ruh na ka khlam jong u COVID-19, u ba la saphriang ha kylleng ki ri ka pyrthei, nangta ha India bad wat hapoh ka jylla Meghalaya.
Kitei ki nongialam ka NTC, ki la ong ba ka jingurlong jong katei ka jingsynreit dawai pyniap khniang, ka dei namar ka jingshimkhia bad iarap da u MLA ka Jirang bad ka kompani jong ka CMJ Breweries Byrnihat kumjuh bad ka Meghalaya Fire Emergency Service.
MLA Nongpoh shaei u don….ne la sngew lehrain ban mih pyrthei ia ka jinglong riewkhlaw ka Nongpoh