U Dr AK Abdul Momen, myntri bar ri ka Bangladesh, ula ong hynnin ka sngi, ba ka India kam shym la pynrung satia iano iano ruh sha u pud u sam ka Bangladesh, hynrei ki don katto katne kiba wan rung tuh, lyngba ka jing ialam lynti jong ki riew shim kabu, da ka jingngeit ba kin ioh bam ei hapoh Bangladesh.
U Momen, u ong ba ka Bangladesh, kan pynphai noh ia kiba kum kitei ki briew, hynrei kan pdiang tang ia kito kiba dei ki nong Bangladesh bad U Omen, u kwah ba ka India, kan ai da ki kyrteng bad ki shnong ba pura jong kitei ki poiwir, kiba dei tynrai na Bangladesh, lada ka sngew thikna ba ki dei ki poiwir kiba don ha u pud u sam ka India.
“Ai ia ngi ia ki jingshisha” ong U Momen, haba kren ha ki nongthoh khubor, ha ka tnat kam bar ri, hynnin ka sngi. U Momen, ula kren ruh shaphang ka ioh ka kot kaba don mynta ha Bangladesh, katba ha India pat u ong ba ki don ki briew kiba shong khlem kam khlem jam. U Momen, u iathuh ruh ba ka National Register of Citizenship (NRC), ka dei kaba ka India, ka kam ba ka dei ka kam poh iing jongka bad kam don jingiadei eiei ruh bad ka Bangladesh.
Phi don ban ong eiei?