Shillong: U Bah DP Wahlang, Principal Secretary ka tnat Education jong ka sorkar Jylla, u pynbna paidbah mynta ka sngi, ba ka SSLC bad ka HSSLC Examination, kan long ha U Lber, Iaiong jong u snem 2021.
Yn nym donkam Selection Test, na ka bynta ban ialeh ia kitei ki eksamin baroh ar tylli. La bthah ia baroh ki skul, ba kynthup ia kito ki bym don jing ia snoh bad ka MBOSE, ba kin nym pynlong ia ka selection test, na ka bynta kito kiba dei ban iakhun ia kitei ki ar tylli ki eksamin.
Na ka bynta shisien, la shah ia kito kiba pheil selection test, ha u snem 2019, ba kin ialeh lang ia kane ka eksamin ha kane ka sien ialeh ha u snem 2021. Kumjuh ruh ki private candidate, ki lah ban iakhun ia katei ka eksamin, khlem da kaba bud ia ki kyndon, ba la pynbeit da ka MBOSE.
Ha kajuh ka por, la iathuh ba kito kiba pheil ha ka eksamin phainal, ka ban pynlong la shem snem, kin hap ban iakhun ruh ia ka selection test, lada kin ialeh biang ia ka eksamin final ha u snem u ban sa wan.
Phi don ban ong eiei?