Eksamin 2tarik, hato kam lait tuh ka sobjek Khasi?

Shillong, 27 Naiwieng:
Haduh mynta dei tang ka sobjek saian ne ka Science and Technology jong ki khynnah pule klas IX kaba lait tuh kaba ki nongthohkhubor ruh ki la ioh kopi ha kti hynrei ia katei ka eksamin kaba la pynbeit ban pynlong ha ka 30 tarik mynta u bnai la pynkynriah noh sha ka 4 tarik u nohprah, 2015.
Mynta pat ki la saphriang sa ki khubor ba ka sobjek Khasi ruh ka ban sa long ha ka 2 tarik u nohprah ka la lait tuh hynrei haduh mynta u nongthohkhubor um pat lah ban pynthikna, namar ba ym pat shym la ioh ban bat ha kti, hynrei kiba bun ki la artatien ba ioh katei ka jingkylli jong ka sobjek ruh ka la lait tuh pynban kumba long ka saian, bun ki la sah ha ka umdum la ka jingiakhun eksamin ki khynnah klas IX ia ka sobjek Khasi kan long kaba khuis kaba suba ne ka dei kaba la dep die pynban ia ki jingkylli shuwa ban long eksamin?.