Ka KHNAM, ha ki khyndiat sngi ba ladep, ka la ujor pyrshah, halor ka jingthung kam ia u bar jylla, ha ka State Disaster Management Authority (SDMA) bad katei ka dei ka mat, kaba kongsan bha bad ka dei ruh, kaba la ju iakren man ka por, namar ba ka la don ruh ka bhah kam kyrpang, kaba la thaw da ka sorkar jylla, kaba long 40pc ia ki Khasi, Jaintia, 40 percent ia ki Garo bad 20 percent ia kiwei pat.
Na katei ka mat, kaba la ujor da ka KHNAM, ngim shai satia, la utei u bar jylla, uba ioh tulop 45 hajar shibnai, u hap ha ka kyrdan aiu bad nangta ngi tip ruh, ba ka kyntien reserve, ka dei kaba la mang kyrpang bad lada ka lait, na ka mang kyrpang, ka sa poi sha kiwei pat ki bym shym la mang bad kumta, lada ia ka kam consultant, ym lah shuh ban thung da ki 80 percent, kumta ka pyni, ba ka dei ka kam kaba lehse, kan ia syriem hi, ha ka kyrdan jong ki IAS, IPS.
Ha kine ki sngi, ka shongshit bha, ka jing dawa ia ka MRSSA, ka ILP nalor kiwei pat; hynrei ngi iohi, kumba kitei ki ain, ki thew beit tang ia kiba wan rung bylla, wan buhai shnong; hynrei kumba ngim shym pynleit jingmut satia ia kum kitei ki briew kiba wan wad kam bad kiba trei ha ki ophis sorkar jong ka jylla ne jong ka sorkar India; hynrei ngi hap ban sngewthuh ba katei ka jing ailaitlan, ka la ailad ia kiba bun ki khar Bihar, ki khar Assam, ki khar Bengalee, ba kin ioh phrung ialade ha ki kam sorkar bapher, khamtam ha ki kam pulit.
Kam dei tang katta, hynrei, ka la dei ruh ia kine ki seng bhalang bapher, ba kin sngewthuh ba ka kyntien ILP, MRSSA, ka thew lut ia baroh kiba rung sha ka jylla; hynrei, haduh mynta, ngim don ia ki ain ban khanglad ia ki bar jylla, kiba wan rung sha ki ophis jong ka sorkar India bad kiba don sha kylleng ka Ri Khasi Jaintia.
Lyngba katei ka mat, ba la pyni da ka KHNAM, ka la dei ka por, ban kham pynkhlain ruh ia ka bhah kam bhah jam, ha ki ophis sorkar jylla lane ha ki ophis jong ka sorkar India bad khlem pep, lada ngi lah ban pynsngewthuh kham bha, kan nym long kaba eh, ia ka sorkar India, ba kan ailad ia ki trai shnong, ha ka ioh kam ioh jam bad ba ki kham lah ruh ban ai ia ka jing shakri kaba kham bha, ban ia ki briew kiba nabar, namar ba ki sngewthuh ia ka ktien ka thylliej, ka jing iadei para shnong para thaw bad sa ka jing donkam, kaba shisha jong ki briew ha kito ki jaka.
NG don ban Ong Kum ne ia ta u bar jylla ba la thungkam dei ban wad bniah la da dei shisha ba u rung na ka bhah Jong ngi ngi dei ban iakhih bad beh noh ia u shi syndon lym kumta nang ne Sha khmat lei la kut