Ki jingtrei kam kane ka sorkar, kiba la i shutia hi khait, namar ba, kat kiba ka leh, kim shym iaid satia shakhmat, hynrei ki kynran pynban shadien.
Peit ia ka jing iakren iasuk bad ka HNLC, mar ia sdang ka jing iakren, shah khot hajir lai ngut ki heh jong katei ka seng bad lada kitei kin wan shah bishar, ha ka 4tarik Kyllalyngkot 2023, kumta, ki la hap ban leit shong hapoh ruh jong ka kashari NIA.
Wan sa ka shalan mawshun, kaba la ju pynim ja, ia u paidlang ka jylla, da ki phew phew snem mynshwa; hynrei ki ialeh pyrshah ia ka rai jong ka High Court bad mynta, ka ai syndon sngang, da ka rai kaba khang sbak, ia ka jing shalan mawshun sha Bangladesh.
Halor ka pynbeit pud, la iohi, ba U Conrad Sangma, u da kwah burom palat bad u kwah ban pyni, ba u dei tang ma u, u star ka kam pyniasuk bad u leit khah khah ban iakren ia syllok bad U Himanta Sarma bad um sngap shuh, ia jingud ki trai jaka puta, um sngap shuh ia ka jingud ki Raid ki Hima bad um sngap shuh, ia ka jingud ki sengbhalang bad ki jingiakren bad kitei ki kynhun, ki long kumba shu leh niewbein ia ki.
Ym tang katta, u da iaroh ruh ia ki myntri jongu, ba kynthup ia U Bah Prestone Tynsong, symbud myntri rangbah, ba ki leit iakren kam pud, wat ha ka por miet ruh bad kitei ki dei ki jingkren, kiba shu kob sob na sdang ha kut.
Mynta pat, ka kashari, ka ai, da kaba hukum kaba tngang syndon, ba ym bit ban leit sieh mawpud, sha ki khappud ka Assam bad ka Meghalaya bad katei ka thew, ba ka jingleit jurip jaka ban sieh mawpud, ka la kut bad ka jing iakren kam pud hi ruh, ka la kut syndon noh, namar ba ka High Court, kan shong bishar, haduh ka 6tarik Rymphang 2023, kaba mut, ba ia katei ka kam, yn hap tuklar noh, da ka sorkar thymmai, ka ban sa wan.
Kam dei tang kata, la iohi shuh, ba ha ka kylla, kaba ar, ba ka sorkar Meghalaya, ka la thaw ia ka komiti pynbeit pud, naduh ka 27tarik Nailur 2022 bad la bthah ia ki, ba kin ai kaiphod sha ka sorkar, hapoh ka 45 sngi; hynrei mynta, ka la iaid la ar bnai tam, ym shym la iohi satia, ba katei ka kam, kan poi shaei shaei ruh bad la ioh jingtip, ba ka Assam, haduh mynta ruh, kam pat thaw satia tang ia ka komiti jongka bad katei ka la paw shai, ia kaei ka jingmut kaba don bad ka jylla ba marjan.
U paitbah khasi jongngi bym don jingshemphang um sngewthuh satia ba kine ki briew ki la shu ialehkai ia kapor bad ka pisa jongki. Ngin ia peit mynta u sngewthuh neem.