Ki pulit Assam, ki la pyni kam malu mala, da kaba ki la beh kam ia uwei u pulit langrut, uba khrong pisa na kawei ka kali ML, hynrei katei ka jingleh, ka dei tang shi dana na ka phew hajar jait ka jingjia, halor ka jingshim kabu jong ki pulit Assam ia ki kali kiba wan na Meghalaya.
Ka la mih ka jing iakren ha ki social media, ha kaba ki nongleit nongwan kiba don ia ki kali ML, ki ong ba ki pulit Assam, ki tang shu iohi ia ki number ML, ki la peit lieb ia la ki khmat bad ki sdang ban thlia ia kane ka katai, namar ki tip (imat) ba ki number ML, ki dei kiba bun pisa shi katdei bad ki lah ban ai katba ki dawa.
Ka jingshisha hi ka long ba ki nong Shillong, ki shngain, haba ki iaid ki ieng tang ha ka sor bah Guwahati, hynrei lait nangta, kim don shuh satia ka jingshngain bad lada wad jingtip, ki don la ki jong ki jong ki stori kiba sngew khluit shisha ban iakren, hynrei ka daw, ka long beit namar ba ki pulit Assam, ki kwah pisa bad ba ki niew bein shi katdei ia ki briew kiba wan na Shillong bad khamtam, ba kiba bun kim da nang ban iakren ia ka ktien jongki.
Haba phi peit ba ki leit ki wan sha kylleng ki kyndong kynshrot ka Ri Khasi Jaintia, la iohi, ba katno ki suk mynsiem bad ba ym ju don mano mano ba smat ne don por ban pynwit ne pynthut, lada dei ki riew paidbah lane ki bor pulit ruh kumjuh; hynrei lada dei ba ki kali ML, kin leit poi sha ki shnong rit shnong ria, ha kylleng ka Assam, khlem pep, kan jin da la long ka jingjia ka bym lah shuh ban iakren da ka kyntien briew.
Ka jingshisha kaba lyngkot than, ka long ba ki pulit Assam, haba ki pyndik ia ki kali kiba nabar, ki don ia ka mat bad kata ka long ba haba leit sha Assam, dei ban leit da ki kali AS bad haba ka iai bteng ka jing shah pyndik, ki kali kamai ML, ki thait bad ki ngiah bad hap wad noh da ki kali AS, katba katei ka jingthmu, kam don satia ia ki pulit Meghalaya, ha kaba la iohi, kumba ka jing talasi kali ka jubor bah ia ki kali ML, katba ki kali AS, ki leit ki wan sadhai katba ki mon bad ym ju don mano mano ba peit pyllew ia ki.
Halor ka sobjek jong ka jing khapngiah ngi iohi, ba ki kali stem bad ki kali jyrngam ruh ki ia mai ia tim bad ki ia knieh ia ka iaid ka ieng jongki, hynrei ka mat kaba kongsan, ka long ba kiwei pat ki kali kiba nabar, ki nang thyngngian briew katba ki mon.
Ka jingshisha kata ki pulit assam ki long kumta ki leh bein ia ngi ki kali ML. Nga dei u riewpaitbah nga leit da ka kali na ing ha u snem 2017 nga shah pyndik wow haduh bym lah ong shuh tang ban ktah ia ka mobile phone ruh ym long. Donbok ba nga rah ki kot ki sla na bank ba nga ioh loan ban leit thied tiar, hynrei lada ym rah ki kot ki sla na bank wat ki pisa ba nga don ha pla baroh lah mut ban shim lut ki ong ba nga rah da ka pisa thok. Bad Hakata ka sngi nga shah fine haduh Rs 5000 hynrei nga pyn eh beit nga nga ngat siew Rs2000 ha kito ki por da iohi ia ki kali Assam lah sngew kum ban shu kawang da u maw beit hynrei ym dei ban leh kumta namar leit kawei kumno yn pynshitom ia kiwei
ka NPP lyngba u dy CM P Tynsong kaba kular ba ka thong ba nyngkong eh kadei ban pynbeit ia u pud u sam meghalaya bad assam mar ia wan haka bor, mynta kalong pynban sa da kumta?