Ki samla trai shnong, ha kine ki sngi, ki ia bunkam bha, ban ia kynthih met, namar ba ki iakhun ia ka kam pulit; nangta ki don sa kiwei pat; ki ia knieh ia ka kam hikai; hynrei, ki dei tang kitei ar tylli ki tnat kam, kiba don ka jing wad nongtrei lane thung kam.
Ngim tip, la kitei tip ki tnat, ki leh bakla ne ki leh hok, namar ba kim iaid, da kato kajuh ka buit, kaba la ju leh kylleng, ha ki tnat sorkar bad kata ka long ba ia ki pulit, yn shu thung kontrak noh bad kumjuh ia ki nonghikai ruh.
Ha ka jing shisha, lada thung kontrak, kitei ki ki pulit, kin kham shlur, ban leit pahara sha khappud, lane ki nong hikai ruh, kin kham durut ialade, ban nang pynjlan ka por hikai jongki.
Haba iakren halor kane ka mat, ka wan pat ka jing kylli, ba balei kiba wad nongtrei, ki dei tang kitei ki ar tylli ki tnat sorkar bad balei shuh shuh, ba tang kitei ki tnat, kiba thung pura beit ia ki nongtrei, haba lah rynjain, ha kine ki sngi, kiba shu thung shi bnai ar bnai, ia ki nongtrei?
Lehse lah ban ong, ba ka tnat home guard, kam donkam nongtrei, ka tnat pynroi sor (urban affairs), ka tnat kurup kyiad (excise), ka tnat pynroi nongkyndong (community & rural development), ka tnat lum khajna (taxation) bad sa da ki phew tylli kiwei pat ki tnat sorkar, ki bym ju paw kyrteng satia, ha ki kotkhubor, ba ki wad nongtrei thymmai bad ha kawei ka kyntien, lah ban ong, ba ki nongtrei ha kitei ki tnat, kim ju shongthait lane lada ki shongthait ruh, kim ju don kiba mih bujli.
Ka jingeh kaba khraw bha ha kine ki sngi, ka long ba ka tnat Meghalaya Public Service Commission (MPSC), ka dei ka tnat, ka bym lerkam thikna bad katei ka ju ailad ia ki tnat sorkar, ba kin thung briew katba mon, ba kin pynlong eksamin thung kam bad ha kitei ki khep, la ju lap, ba ki briew kiba la shah thung kam shipor, ki ju ioh kam pura; lyngba kitei ki eksamin.
Ka tnat pulit, ka wad da kiba khlain ban mareh bad kiba nang ban siat suloi; ka tnat hikai, ka wad da kiba dei hok bad kiba tbit, ba kin long ki nonghikai; hynrei, ha kiwei pat ki tnat sorkar, lada kam don ka jingjied kaba dei, kin sa shu thung, da kiba ioh ban theh pisa bad pyn iadei bad kiba heh, katba ha ka kam te, la shu bun tang ka khlieh briew.
Totally right . nepotism.corruptions rule over the State
Kalong ka bha bha eh naka liang jong nga kum u unemployed youth ban weng noh kam iakito ki bym qualified iaka examination bad ban nym ailad chuh ban leh cheating haka por written examination.Ka long ka ba eh bha ia ngi ki bym don link bad ki minister ne politician ban qualified iakito ki examination.Lada ki lah ban leh da ka fair and square nga tharai ba bun na ki longing ba duk jong ngi kin iohlad ban trei hakini ki tnad kam.
Yes i agree withyou Rupang kadei shisha kata te tang kam pulit bad nonghikai ba lait ngi pat bym lah ban mareh bad bym don sap ha ki kam hikai ngi hap ban shu ia bylla sngi wat ngi la dep ia ka Master degree hynrei ki bun pde kiba ioh kam tang ban thoh self address ruh kim tip ba ki shu shah thung tuh