Ka sorkar India, ha ki khyndiat sngi ba ladep, ka la pynmih ia ki jingbthah na ka bynta ban plie noh ia ki skul, naduh Class IX haduh Class XII bad ha katei ka jingbthah lane ka Standard Operating Procedures (SOPs), ka tnat kam poh iing jong ka sorkar India, ka la bthah, na ka bynta ba ki khynnah skul, kin ia shong jngai hynriew phut iwei ia iwei, ki nong hikai kin nym ia lum ha ki kamra jong ki nonghikai bad sa kiwei ki jingbatai kiba bun. Ka jingbatai haba shu sngap, ka long kaba sngew suk shi katdei shibun, hynrei lada ka dei ban leit sha ki jingshisha, ngim tip, la ki khynnah skul lem bad ki nong hikai, ki lah ne em ban bud pyrkhing ia ki kyndon, na ka bynta 5, 6 kynta ban shong hapoh kamra klass.
Ka long kaba eh ia ki khynnah skul, kiba don da ki hajar ngut, ba kin ia deng mask baroh shisngi (khamtam mynta ka por shit), ba kin ia jngai iwei ia iwei, lada ki ia don lang ha kajuh ka jaka, na ka bynta bun kynta bad khamtam ki khynnah lei kiba sngew tynnad ban ia knieh ban ioh nyngkong, naduh kaba shong ha ki ben kiba shakhmat, naduh kaba ia rung ha dukan sha, naduh kaba leit shabar bad sa shibun ki jing donkam bad ki kyndon jong ka sorkar (wat la ki long kiba bha), hynrei ba ki long pat kiba eh shibun ban pyntrei kam, namar ba ka kam skul, kam dei ka kam kaba shisngi, hynrei san sngi ha ka shi taiew, ki hap ban iarung ia mih, ia shong lang ha ki juh ki kamra klass. Ka jingbthah jong ka sorkar Jylla, kan buh ia ka jingeh kaba khraw shi katdei ia ki nong hikai, ba kin pyniaid ryntih bad kan dei ruh ka jingshah kynnoh, lada jia ba uno uno na ki khynnah skul jong kano kano ka skul, un ioh ia katei ka jingpang khyllah, na ka jing pynkhein jongki ia ki kyndon jong ka koit ka khiah.
Kaba biang eh ia mynta, ka long namarkata, ba kan iaid beit ka ka jingbthah, ban ia phiah, da shiteng powa tam ne duna, na kaba ju long baroh shi katta, ba kin pynlong skul ia ki khynnah bad kan nym don ka jing ia rung ia mih bad hadien ba ki la mih na ki kamra klas, ba kin don ki kali kiba biang, ban pynbeit, ba kin leit phai sha la iing; hynrei lada ka long kumta ruh, ka jingeh, kan long kaba khraw, namar ba hadien ba ki la duh la shiteng snem, kumta mynta sa tang ar bnai; kin nym lah ban pyndep ia ki lynnong na bynta u snem 2020.
Kitei ki dei tang ha kamra klas, hynrei ka jingeh, ba ha u khynnah skul, wei ula mih na skul, ula ia milai ban ia rung ia mih sha surok bad sha iew sha hat bad hangta lei, ym don ba lah shuh ban teh kyndon.
Ka long kaba eh shisha ia ki khynnah khamtam bun hi ki khynnah kin ym lah ban bud ryntih ia kita ki kyndon.. lada jia kano² kaba sniew ka sorkar kan kynnoh iano? Ne ka lah mo ban shim jingkit khlieh? Ia mynta u snem hi ka dang kham lah ba khang shuwa ia ki college ki skul ruh..