Ha ka sngi balang, U Conrad Sangma, myntri rangbah ka jylla, ula pynsngew, ba ki dkhot jong kane ka komiti bhah kam, lane ka expert committee, kin dei ruh kiba na shabar jong ka jylla bad kaba pynlyngngoh, ka long ba balei, u kwah ban tuklar ia kane ka kam, haba ula thung ia kata ka search committee, ha kaba U Chief Secretary, u dei u khlieh jong ka komiti bad nangta, ba ka kong Ampareen Lyngdoh, kaba dei ka myntri jong kane ka sorkar, ka dei ka khlieh duh jong ka komiti ban pynbeit ia ka bhah kam baroh kawei.
Kham mynshwa, une u juh u briew, ula leit ruh sha Tura, na ka bynta ban lum ban lang ia ki seng bapher, ban iakren halor ka roster system bad katei ruh, ka dei ka jingiaid lait jongu, ia ka myntri, kaba ula dep thung, ba kan shimti ia katei ka kam bad nangta, ba ia baroh ki jingai jingmut, kin sa poi hi ha ka miej jongu, ynda ki la dep.
Lada kin don 5ngut ki dkhot jong ka komiti (kumba ki la pynbna) bad lada u myntri rangbah, u kwah ban thep, da kiba nabar, hangne ka wan ka mat, la kitei kiba nabar, kiba stad ia ka lain aiu, la ki dei kiba stad kren Khasi ne kren Garo, kiba stad khein jingkhein, ne khein briew bad nangta, sa katno ngut, un thung ia kitei kiba nabar, haba ki dei ban don tang 5ngut ki dkhot?
Ka jingmut jong U Conrad Sangma, ban wad ia ki briew kiba nabar, ka dei tang ka buit ban pynjyrwit, ia kane hi ka kam baroh kawei, namar ba kitei kin kren ia ka bhah kam, ha kylleng ka India, nangta kin kren ia ki mat jong ka riti synshar bad nangta kin shim ia ki rai jong ka Supreme Court bad sa shibun ki kyndon bapher.
Ngin dang ia peit, kumno kan long kane ka komiti, hynrei haba shu peit na ki dak ki shin, la iohi, kumba kam dei satia ka komiti jong ki expert, hynrei kan dei pynban ka komiti kyllain jelbi bad kam dei tang katta, ka jingshisha, ka long hi ruh, ba balei ki seng sain pyrthei bapher, ba kynthup ia ka seng VPP, ba ki da kwah than, ia katei ka Expert Committee, haba ka dei ban shu ong “em” ne “hood” bad ban pynbeit ia ka ain, kaba la don lypa bad kaba la mynjur, da ka sorkar ba nyngkong eh ha u snem 1972 bad kaba hap pynbeit, ka long, ba na ka 40, kan kylla sha ka 80 percent bad tang ia ita i rai ruh, hap wad expert, ha ka jaka, ba ki MLA, kin ia phalup ha dorbar jylla.
Ki nongialam sain pyrthei, lane ki sengbhalang, kat haduh mynta kim pat thngad satia, haba ki la iohi, ba kat ki ain ka sorkar jylla, ki shu sahkut lut, ynda ki la poi sha Delhi bad kitei ki kynthup ia ka ILP, ktien Khasi, MRSSA, VAB bad kaba kin hap husiar bha, ka long ba ioh kane kaba mynta ruh, kan sa shu leit bam pum pum ei, sha ki almari sha Delhi.
Nga ruh nga lah pyrkhat hi ba kumno haba ngi lah jied iaki MLAs kum ki nongthawain , hynrei kumno ngin dang leit wad pat sa iakita ki tip ain, experts.ngi lah iohi banamarba beij, tlot, khwan myntoi shimet,kine ki nongmihkhmat baroh te synshar nakhlieh hakjat pynkyllain kai ki ophisar sorkar,ka lynti bn pynkylla ,pynbha bd khmih biang kum iaka reservation policy te donkam beit haka legislative assembly,bn iatylli kawei ki MLA’s bn shim ka resolution bn passed iskino2 ki jingpynbeit haka policy khlem da ktah shiliang iano2 hynrei katkum ki ain,