Ka la mih ka jing jyrwit kaba jur, halor ka ishu pynbeit pud, ha kine ki sngi bad katei ka dei halor ka jingleh komik jong ki MDC, ka Khasi District Council bad kata ruh, ha kat kane ka ishu, kaba ktah ia ka iap ka im jong ka jait bynriew hi baroh kawei.
Ka jing lyngngoh, kaba khraw, ka long ba ki 11ngut ki MDC jong ka seng NPP, ki thoh shithi sha U Chief Executive Member (CEM) jong ka Khasi District Council, ban pynpaw, ba ki pdiang sngewbha, ia ka soskular jong ka Assam bad ka Meghalaya, halor u pud u sam bad ba ki kyrngah ruh ban ialeh mukotduma pyrshah, halor katei ka soskular ki ar jylla.
Lyngba katei ka jing kynnoh jong ki 11ngut ki MDC, ka la donkam kyrkieh, ia U CEM, ba un sei madan ia ka rai, kaba ki MDC, ki la ia shim lang, halor katei ka mat, namar ba katei ka dei ka mat, kaba ktah ia ka iap ka im jong ka jaitbynriew bad katei kam dei ruh, ka ishu, kaba shiphang phin kohnguh bad shiphang pat ba phin kyrngah lane kumba ia ong, ban kohnguh ka khlieh bad kyrngan ka tdong bad katei ka jingtheh kti jong ki 11ngut ki MDC, ka pyni ruh, ba ka rukom trei kam ha ka Council, ka long ka bym lah satia ban shaniah bad ka dei, na kaba kum kane ka jingjia, ba ka Assam, kam riej satia ia khlieh nong syn shar lane ia ka District Council.
U Bah TW Chyne, CEM jong ka KHADC, lada jia, ba ula iaid tam, ia ka rai jong kitei ki 11ngut ki MDC, ula dei namarkata ban hiar shuki noh mardor, namar ba ula ialam bakla ia u paidlang ka Ri Khasi Jaintia, nangta ula shu pynbiej bad pynshongshit ia ki khlieh nongsynshar bad ki trai jaka, katba ynda la poi ha ka saw ka sian, u kyrdan dien noh ialade bad kane ka jait jingleh, kan pynlong ruh ia ki khlieh nongsyn shar, ba kin hap ban da pyrkhat bha da ki phew sien, ha ka jing iadei kam jongki bad ka District Council, nangne shakhmat.
Kumba la ju kren barabor, kane ka jingjia, ka paw tyngkrein, ba ki MDC, ki bang ban ioh jliah tang ia ka dud bad ia ka ngab bad ban thaw lad ban ioh kyntiew kyrdan ialade sha ka kyrdan MLA; katba ia ki ishu kiba ktah ia ka jait bynriew, kim nud satia ban ieng rangbah bad ka dei halor kane ka mat, ba ka iktiar jong ki District Council, ka nang shah dkhat noh, ha ka sorkar jylla.
Ka ne ka leit jia namar ki NPP MDC ki bud hi ia u kpa ka ing NPP ki hap kohnguh hi ia u . Te kan shnongnia aiu pat ban kyntjoh ia u cem . Da ka rai paidbah ba shimet jong nga nga kyrshan ia ka ka rai ka district council MDC member. Nga pyrshah jur ia ka jibgdie lilam ka mda ba la khlieh da ka NPP . Kaba iuhroit tang ia u pud ka khasi jaintia ia ka garo pat ym shem la pynkhie wat tang shi inchi ka jaka ruh te lada kane ka Ishu kam long ka ba shai la bha ban pynbeit pud da ka snam ym shuh da ka sorkar