Ka jingiakhih ban beh mynder, ka dei kaba la iaid da ki bun bun phew snem bad don kiba la treikam mata madei, hynrei bun ki bym phuitler eiei ruh em bad haba iakren ia kane ka mat, ngi dei ban ai burom ia ki sengbhalang ha ki snem 1979 bad 1987, kiba la pynlong ia ki jing iakhih kiba radbah bad kiba la pynher krad ia ki poiwir poihap na kiba bun ki shnong Khasi bad ban da dei ba kim don kitei ki jingiakhih, kumta ki shnong Khasi, kum sha Mawkhar, Jaiaw, Malki, Mawlai bad nangta sa ka Pynursla, Dawki, Nongstoin bad kiwei ki la jyllei sat, da ki mynder ha kine ki sngi.
Hadien jong kitei ki snem, ka jingiakhih kaba radbah, kam don shuh bad la iohi, ba ki poiwir, ki la sdang biang ban ioh rung khlieh, ha kiba bun ki dong bad ki shnong jong ka Ri Khasi Jaintia, lada dei ha Laban, Laitumkhrah, Umpling, Polo, Pynthorumkhrah, Lad Rymbai, Borsora, Shalang bad kiwei kiwei.
Hynrei kaba ngi dei ban kyndit bynriew ialade, ka dei lyngba ki ar tylli ki rai, kiba dang shu mih shen, ha kine ki sngi bad kitei ki kynthup, ia ka rai jong ka dorbar shnong Erpakon bad nangta sa ka rai jong ka dorbar shnong Laitkor Mawrie bad kitei ruh, kam dei ba ki shu leit tan na iing, ia ki bar jylla, hynrei ki pyndonkam, da ka ain shnong ain thaw ban pynmih noh ia ki briew kiba nabar bad katei ka dei kaba la ju leh ha man la ki shnong, ha kaba uba leit wad iing wai (wat ia u khasi), u donkam ia ki kot ki sla kiba biang ban pynshisha bad katno tam, ia u dkhar u kling, uba wan na kut pyrthei aiu re, ba ngin shu shah ba un rung shnong, khlem da tip thikna.
Katei kein, ka dei ka waitlam arliang syrti bad kaba don ia ka iktiar jongka ban kyndang ia kiba shong beain bad kumta kito kiba iakhih ban beh mynder, kum ki sengbhalang lane wat ki politician, ki dei ban leit shah hikai da ka short term course, na kitei ki dorbar shnong haneng halor ka ILP lane ka MRSSA lane ka Trading License jong ki shnong (ym jong ka sorkar)bad ki dang don shuh sa kiwei pat ki shnong, kiba don ia kitei ki rai kiba sngang bha, wat la kim ju mih shabar ban iakren kotkhubor.
Ka rai jong kitei ki ar tylli ki shnong, ka dei ban ioh ia ka jing iatreilang jong ki sengbhalang, jong kiwei ki dorbar shnong, ki raid, ki hima bad ka sorkar jylla ruh kumjuh bad nalor katei ka ain, ka la dei ruh ia ki shnong ki thaw, ba kin pynkhih biang sa ia kawei pat ka ain (kaba la sdang daitthah ha kine ki sngi) bad kata ka long, ba kito kiba ioh tnga poiei, lada dei ki shynrang ne ki kynthei ruh, ki dei ban shah tait shnong, namar ba kine ki khun shiteng, ki la jubor bha ha kine ki sngi bad namar ba ki la bun eh, ym don ba kynmaw shuh ban takrain ia ki.
Nga te nga sngewtynnad bha ia ki Dkhar Nga Pule sha dkhar, bad bun da ki Lak ki jongngi ruh ba don Shabar ,
ngi ioh jingstad ruh na ki , ban hikai Tution , ne skul Lada ymdon maki te paramangi
la LeLe
takadaw to ngin ieid bad sumar bha ialaka jong daka jing stad,
Ruh to burom bad ieid ia ka jongkiwei,
tang ba Ngim dei ban ai lad ban rung haduh jingthiah kum ba leh mangi.
Kata ka Nuksa baleh Solansar
Lada u kpa um dei u Khasi ki. khun ne wat ka Lok ruh kam dei shuh ka khasi
Problem Solve
Ka Ladei lupa ka i L p
Nga te nga sngewsarong ialaka shnong kaba la pyniaid rangbah shnong ba naduh mynshwa ba kiba ioh lok dkhar ki la duh lud ki jing myntoi na shnong khng bn kyndit bynriew ngi ki khasi ban wat ia u poiei shi sngi ka shnong jongngi kim ioh lad bn wan buhhai shnong ki mynder ri….