Ha kine ki sngi dheng kali, la iohi, ba baroh ki ML 01, ki dei ki VIP suda bad kitei ki tur ha surok bah bad knieh ia ki kali paidbah, da kaba pyndonkam ruh da ki siren, na ka bynta ban ioh krad ialade shakhmat bad ban iaid sha la ki jong ki kam ba kyrkieh.
Haba iohi, na kitei ki jingleh, hap ban ong, ba tang kito kiba don ia ki ML 01, kiba kyrkieh kam suda, kiba pang jur suda; hynrei ki bym don ia kitei ki number, ki dei kiba shu iaid lap miet, ban thiah kai, da ki bun kynta ha surok bad kitei kim donkam ban leit shim dawai, kim donkam ban leit iew, kim donkam ban leit sha ki ophis sorkar bad kim kyrkieh ruh ban leit phai biang sha la shnong.
Ka Meghalaya ka dei ka jylla, kaba bat bha ia ka synshar paidbah, hynrei kawei kaba i jaboh than ba ki nongialam jong ka synshar paidbah, haba don ka dheng kali, kim sngew lehrain, tang khyndiat eh, ban knieh bad tur shakhmat ban poi kloi, tang ialade lane ha kawei pat ka kyntien, lah ban ong ba ki dei tang ma ki, kiba kyrkieh kam tam, kiba pang jur ban ia kiwei bad kitei kim salia ban ia synrud para kali ruh; nangta uto uba heh ba hain, u jynrat naphang, lada don kiba pynwit, bad nangta sa kito ki nong synran jongu, kiba kawang da ki dieng lathi ban tied ia ki kali bad ia ki kti jong ki nongniah, kiba pynthut ia ka leit ka wan jongki.
Mar ia wan ka sorkar BJP, ha u snem 2014, ngi kynmaw, ba la pynduh noh ia kato ka jing pyn donkam escort, ha kaba la bthah, ba tang u myntri rangbah duh, U President lane u myntri rangbah, ba ki lah ban pyn donkam ia kitei ki nong synran; hynrei katei ka ain, ka shu kylla kam kai; namar ba ym don ba lah ban pyn shitom ia ki VIP, hynrei mynta lei la iohi, ba kiba bun bah ki tourist taksi, ki ioh da ki pulit nong synran bad ym tip satia, la kitei ki dei kiba don ha ka kyrdan aiu.
Ngim tip, ka dei na ka tnat aiu, kaba ailad ia ki kali, ba ki la bun kiba tah iit iong bad nangta ba kin pyndait ia kitei ki siren bad nangta, la ki dei ia kiba don ha ka kyrdan aiu; namar ba lada ki MLA, ki MDC, ki Chairman, ki Vice Chairman, ki ophisar rit, ki ia ioh lad ban teh siren, kumta, ka la bha ban ai lem ia katei kajuh ka lad ia ki Syiem, ki Sirdar, ki Rangbah Shnong ruh; namar ma ki lei, haba ki wan sha sor, ki don beit ia ki kam kyrkieh, ha ka leit shim dawai, leit beh hospital, namar ba kitei ruh ki dei hi ki nongialam paidbah.
Ka la dei ka por ba imat haki kali kamai rh hp bn buh siren namr maki ruh teng2 ki hp kit iaki nongpang kiba khm shitom hnrei slm bn poi sha ki jaka sumar namr bym nud bn iaid shakhmat ba ym dn ba ailad namr ki dei ki kali kamai,namr wt lada thang ne pnmeh daki hazard signal ruh ym dn ba khein snep iaki kali kamai