Ka jait kpa, ka la long ain ha kine ki sngi, namar ba ka sorkar Jylla, ka la mynjur ban ithuh ia ki, kum ki Scheduled Tribe.
Khlem pep, katei ka rai, ka la pyn kyndit ia ki jait kmie, namar ba ka dei ka rai kaba nyngkong ha ki histori jong ka jaitbynriew Khasi Jaintia lane ka jylla ba shim jait kmie bad ka la pynkmen shi katdei ruh ia ki ai jait kpa, namar ba ki la lah ban pyn urlong ia kaei kaba ki thmu la slem bha.
Baroh shi katta, la iohi, ba ka jing ai jait kpa, ka dei ka jingsngew ieid bad sngew burom jong ki khun ia la u jong u kpa bad katei ka jingshim jait kpa hi, ka ju wan ynda ki la sdang sngewthuh, ki la kham heh, ki la nang la stad, ki la trei kam trei jam bad kumta ter ter bad ka ju long ka rukom ba ka ju iapher ka sertiphiket jing baptis bad ka certificate skul bad ka jingthoh jongki, ynda ki la rangbah.
Don ruh ki kynthei, kiba ai jait sha u tnga bad katei kam mut, ba ki la kylla jait ialade, hynrei ki ai, da ka jingsngew ieid bad sngew burom, hynrei ki kot ki sla jongki, ki neh sha ka jait jong ka kmie.
Ka sorkar jylla, ka la shim khia shi katdei ia katei ka mat, da kaba ka la mynjur ban ithuh lane ban ai Scheduled Tribe certificate, ia kito kiba shim jait kpa lane shim jait sha u tnga; hynrei hangtei, ka don ka jingdkoh kaba jubor bha, namar ba ka sorkar Jylla, ka dei ban trei ia ka roi ka par, ia ka jing iada ia ka jinglong kyrpang ka jait bynriew; hynrei lada ka sorkar jylla, ka la tuklar noh ia ka jingshim jait jongno bad shano, kata ka la long ba ka Sorkar, ka la shim noh ia ka bor jong ki District council halade bad lada ka long kumta, kan donkam ia kawei ka tnat ba kyrpang, ban niew ia ki kur ki jait bapher jong ka jylla hi baroh kawei bad sa shibun ki jing iasnoh bad katei ka khein kur khein jait.
Ka mat shim jait kpa, kam kut tang ha ka jing ioh scheduled tribe certificate, hynrei, ka dei ka mat jong ka jing maian hapdeng ka iateh kur iateh jait ha ka jingngeit u khun khasi khara bad hangne, kan wan ka mat kaba kongsan bha bad ba ka sorkar jylla, ka dei ban pynshai noh bad kata ka long ba lada U Marbaniang, u shim jait kpa, kumta un dei aiu ia ka para u kpa, ia ka kmie jong u kpa bad nangta ia ka kmie lajong bad la kiba ha iing jong u kpa jongu, kin kam khun ne kin kam pyrsa; kata ka long kaba ngin dang ia peit ha ki sngi ban sa wan.
La ju tip borabor, halor ka bor jong u kni ha kano kano ka long iing, hynrei lada u khun jong ka jait Shabong, u ai jait noh sha u kpa jongu, u jait Syiem; kumta um don shuh ka jing iateh kaba long maian briew, (bad la u kni), namar ba ialade, ula dei u jait Syiem bad u kni, un dang dei hi u jait Shabong.
Ka jubab jong kane ka jing kylli ka long ka ba shai, namar ba bun ki ri ki state ki ai jait kpa, hangne ruh kan long kajuh keiñ, yn nym lah ban iaidlait na kane.
Ha nga ka bng ka jait kpa .. jait kmie kam long fit namar u kni mynta ym don bor shuh namr ba u la lt bsa ia ka lok jong u bad ym don por bn wan peit pyrsa man ka sngi bad kata ka jing iateh kur jong ngi ka pa long bymler kam shuh namr ngim shem la lah shuh bn bud tikna ia ki sngi u long shwa ba ki la hi kai iangi
Tang haphi Kam don bor shuh ka jinglong kñi, ha ngi te ka dang long..
Best jaitkpa.. Jaitkmie; shynrang longnongwei ha shnong sha shnong ka lok ruh…
Dawa ILP jaitkpa tang shisnem arssnem lahioh jaitkmie 30 snem ruh pat ioh….
All the best jaitkpa khasi..
Lada phi sngewbiang katno katno ia ka dustur aijaid kmie ne dustur leit ing briew ne leitbud kynthei u shynrang Khasi ruh nga te ngam iaroh ne pynksan hi hi ia ka lano lano ruh katba u shynrang hi u dang lah ban shah beh ha ka kynthei ka pyni bad pynpaw ba u shynrang um u dei u 12bor ne u rangbah ba shisha hynrei u shu sngewkhyllew rangbah ha ka nam.