Ka ain ban khang ia ka jing kylla niam, ka la nang iaid shakhmat ha kine ki sngi ha India bad dang khyndiat sngi, mynshwa ka Karnataka, ka la dei sa kawei pat ka jylla, kaba la mynjur ia katei ka ain, kaba khang ban kylla niam.
Mynta ki la don 9 tylli ki jylla, kiba la mynjur ia katei ka ain, kaba khang ia ka jing kylla niam bad kitei ki kynthup ia ka Madhya Pradesh, Uttar Pradesh, Arunachal Pradesh nalor kiwei pat ki jylla.
Lyngba ka jing pyntrei kam ia kitei ki ain, ka bud ruh bad ka jing shah pynjot ki iingmane, ka jing shah khanglad ki jingrakhe ia ka Khristmas bad kiwei de ki jing lehniam jong ki khristan, kiba la nang jubor ha kine ki sngi.
Ka India, ka dei ka ri kaba ailad ia ka jingngeit niam jong u briew shimet, katba kum ka mon jongu hi bad ka riti synshar ri, ka la buh khnang ia ka article 25, kaba kren shai ba ka ailad ban ngeit lane ban ialap ia ka niam, kaba u briew, u sngew dei ha u shimet.
Kane ka jingleh jong ka seng BJP, ka iaid sha ka phang, na ka bynta ban teh lakam ia ka jingngeit niam jong u briew shimet bad ka jingmut jong katei ka ain, ka long ban khanglad ia kano kano ka jing kylla niam ha ka Ri India; hynrei kat haduh mynta, ngim tip satia, la katei ka jingmut ka thew shaei, hynrei lyngba kine ki ain, ki la nang pyni, ba ka BJP, ka thew ban pyn urlong ia ka jingkwah jongki, ba kan don tang kawei ka ktien (hindi) bad kawei ka niam (hindu).
Ka India, ka la long ka Ri laitluid ia ki niam bapher, la 75 snem kynthih bad ka la ia pra bad ka Pakistan ruh, na ka daw, ba katei ka dei ka ri jong ki Muslim; hynrei lada kine ki ain, kin dang iai bteng ha ka Ri, kumta kan sa poi ka por, ba ki Muslim, ki Sikh, ki Buddhist, ki Khristan, ki Seng Khasi kin hap ban duh noh ia ka jing laitluid jongki, ban shakri ia ka niam, kaba ki sngew bit ne sngew mynjur halade bad kin hap ban shah pyndem ha ka ain jong ka sorkar India, na bynta ka jingngeit blei jongki ruh.
Lyngba ka ain Citizenship Amendment Act (CAA), ka sorkar India, ka la plie lad ia ki hindu, kiba don sha ki ri ba marjan, ba kin wan phai sha la ka jong ka Ri bad lyngba ka National Citizenship Registration (NRC), la thaw sa ka ain, kaba thmu ban beh krad noh ia kito kiba dei na ka niam Muslim, halor ka phang, ba ki dei ki mynder ri bad kane ka sorkar India, ka sdang iaid ha une u lain, ha kine ki sngi, ha kaba kan nang pyndep ia la ka jong ka jingthmu ha shwa u snem 2024.
Nga ruh hangne, Halor kane ka phang “jingpynkylla niam”
,Ka dei ban khang bad ka dei ban nymkhang,
Nga dei U Khristan, Hynrei ngam lah ban iaroh iano iano ruh, la ia U Khristan ne U Bym long khristan .
La Ju ong haba U Briew u dap tang da ka jingsuk bad jingkmen u klet ia u nongthaw haba wan ka jingkyrduh kam ka jingpang ka jingjynjar U Klet ia ka pyrthei bad U Phai sha U Blei. Hynrei sa kawei pat haba la ban than ki Jingjnjar, ka jingngeit laki laka ka hair ..ka long kabu kaba biang eh haba ngi I’m ha India ka Ri Byngngeit Jisu 75 ne 80 % kiba pyrshah ia Ki Nongbud U Jisu (khristan) ..HA ka ktien U Blei la ong ba U Jisu U la hikai man ka sngi duwai khlem da pud shah jynit ruh ..sngewnguh ia la u Nongthaw uba la thaw iaka Bneng bad khyndew ….Hnrei ka jingleh bymniewkor ia U Blei bad para Briew ka jia ter ter ka sdang na ki Ri jong ki khristan hi …Jingiabeh ban ioh Sbai ioh ksiar da kaba kamai bymhok ka long la palat …ki kiew ki hair sharum shaneng ..te hato u ta U Nongthaw un sngewbha mo..U Jisu u ladep ong wat shepting kiba pyniap iaka doh hnrei shepting ia U Blei ba pyniap iaka mynsiem …Lehse ka jingjynjar jongngi ne jingshahleh bein, U Blei u Sngewbha naba u Tip ia kiei kiei baroh. ..Hynrei kaba kham eh ka long ba ioh ha pyrthei ruh shah lehbein ha Bneng ruh yn shah beh ….La thaw khnang ia U Briew tang na bynta Jong U Blei hi…proberb 16:4. …ngin sa ioh biang ka lad