Shwa ka elekshon MLA, U bah Banteidor Lyngdoh, MLA jong ka seng PDF, ula kam, ba ula shah tyrwa ia ka pisa kaba T.5klur, ba un iakhun na ka seng NPP na Mawkynrew; hynrei, u kam, ba ula kyntait ia katei ka T.5klur.
Haba u kren kumta, ngi la nang ngeit ba u dei shisha, u satar jong ka PDF bad u ban pynneh pynsah, ia katei ka seng, hynrei, haba u iohi, ba ka mombati, ka la nang rit nang rit, kumta, ula shim, ba kan bha, ba pynlip noh syndon bad ka daw ka long, ba ka PDF, ka jop 4ngut ha u snem 2018 bad ka hiar sha ka 2ngut ha u 2023.
Kat haduh mynta, ym pat lah ban pynthikna satia, la katei ka jingthmu, kan urlong ne em, hynrei, lada ka dei kaba shisha, kan dei ka khubor kaba bha shibun, namar ba kan pynduh jait noh ia ki seng tit, kiba mih shipor bad ki jah jait noh syndon bad katei ka la dep jia ia ka KHNAM, kaba la suhsieng shipor, hynrei mynta, kam don shuh, wat tang uwei U MLA ne MDC ruh bad nangta, ka la jia ia ka HSPDP, ka seng trai ri, kaba khraw, hynrei, mynta ka don tang arngut ki MLA bad ka la jia ia ka MDP, kaba la khlieh da U bah Martle Mukhim, ka PDM, ba ialam U bah Sounder Cajee bad sa kiwei.
Ka jingtrei politics, ka don bun bynta bad don kiba ieid ia ki seng India bad don kiba ieid ia ki seng trai ri bad don kiba ialeh elekshon, da ka pisa bad don kiba ialeh da ki ishu bad ka jingieid bad lada ki nongialam jong ka PDF, ki la pdiang noh ia ki ishu jong ki seng heh ne ki seng India, kumta, ki la shim ia ka rai kaba biang bha ban pynduh noh ia ka seng lajong bad ban iasoh bad ka NPP.
Khlem pep, katei kan plie lad ia kiba ieid seng trai ri, ba kin kyrshan beit ia ka UDP lane ka HSPDP, katba kiba ieid seng India, ba kin jied ia ka NPP, ka BJP, ka TMC lane ka Congress bad kan kham pynduna ia ka jing iaknieh vote nangne shakhmat ha Mawkynrew, Sohra bad nangta ha Mawphlang ruh kumjuh.
Ka don ka jingeh kaba khraw, halor ka jingjied nongmihkhmat ha Khasi hills, khamtam ha East Khasi hills, ha kaba ki seng tit, ki bym ithuh ithaw, ki mih bad ki jah rngai noh, hadien katto katne por bad lada ka PDF, kan pynduh pyndam noh ialade, kumta, ki paidbah, ki dei ban sian noh nangne shakhmat, ba kim dei ban shu shah phon, ha ki jing pynshoh biej jong kita kiba kam seng trai ri, tang ban jop MLA ialade, khlem da don kano kano ka ishu bad ka nongrim ia ka jaitbynriew.
Haduh mynta hi nga iohi ba ki seng political trai ri kiba la suit la shor la kham mynshwa kila mih tang ba kim ia dei jingmut badno re badno. Katba ka Seng VPP pat ka la mih naka daw jongka Jaidbynriew. Kumta lada ka dangdon ka lad ban im ban khie rasong biang ka Jaid bynriew khasi-jaintia ka VPP ka dei ka JINGKYRMEN jongngi
VPP 👍👍👍 ka lawei ba phyrnai ka jaitbynriew
kaI.R.Shallamorchallam@ gmail.comn Jin da la bha palat lada ki Party Marwei kin khylliap LAMA noh ,pyllong tang ka Wei ka Regional Party kan suk ia ngi ki paitbah ban jeid .lada baroh baroh kwah long Leader,,te ha ka la poi ha ka kut lad ,ba u GARO un ioh bat ia ka Jing Shynshar ha Meghalaya.Khasi Jaiñtia ki la kut lad.Klet baroh ki Jing ia pher wan ha ka Jing mut ban ia Tylli ka Wei.