Haba peit ia ka jingwan rungtuh ki bar jylla, ha kine ki sngi, la iohi, kumba kam dei shuh, tang ka jingrung wan bylla, hynrei, la imat, kumba ka don ka daw, kaba kham palat ban ia katei bad kane ka dei ka mat kaba khia haduh katta katta, namar ba ioh ka Ri Khasi Jaintia jongngi, kan kylla long kum ka Tripura lane ka Manipur.
Man ka por, ba ki leit khynra, ki sengbhalang, ki ju ioh kem, da ki bun bun phew ngut ki dkhar bad kine kim dei satia, kiba leit ban bylla, namar ba kim don hi ruh, ki nongialam jongki, hynrei, kiba kham bun, kin iathuh ba ki kwah leit sha Khliehriat, Lad Rymbai, Shallang, Borsora, Shella; namar ba ki tip bha, ba ki don bun ki bar jylla bad tang shu poi shatei, ki la ioh ia ka shong ka sah, kaba biang, ka khaii pateng bad ban ia buhai shnong katba mon.
Ki jing ia tyngkhuh jong kiba bun ki bar jylla ha Assam, Manipur; lehse ki pynlong ia ki, ba kin wad jaka sah thymmai shawei pat bad kaba ima, ka lah ban long, ba ki la jied ia ka Ri Khasi, kum ka jaka, kaba biang tam, ba kin thaw ia ka iing sah thymmai jongki, namar ba kim don ki ain, kiba skhem bad kiba biang, ban khanglad ia ka jingbuhai shnong jongki bad ba kane ka jingwan tuid ba man ka sngi jongki, ka pyni, ba ka don ka jing ia sngewthuh jingmut kaba na jngai bah, ban pyntur beit, ia kine ki thab ki dap, ban pyndap mam ia ka Ri Khasi.
Ban shim sting, ia kine ki jingjia, kam long kaba bha, namar ba na Bangladesh ruh, ki ia kiew man ka por, nangta na Assam ruh, ki ia kiew man ka por bad ka la dei ia ka sorkar jylla, ba kan pyntreikam bha ia kato ka tnat Infiltration, da kaba buh ia ki bniat kiba nep, ban kem bad ban wad ia ka daw jong ka jingwan tuid kaba da ki spah spah ngut ha ka shisngi shisngi.
Ki Sengbhalang, ki ia pahara, ha kiba bun ki khep; hynrei kin nym iai lah ban don ha surok, baroh 24 kynta bad ki dei kitei kein ki por, kiba ma shibun, namar ba haba ka network, ki poi ei, ka dei kaba heh, kumta ki tip bha ia ka por ia rung ia mih kaba biang.
Ka sorkar jylla, ka la dei ban iakren ia ka sorkar India, ba kan pyntreikam noh da ka NRC, ha ka jylla hi baroh kawei bad ba ka dei ban don ka snem ot kyrteng kaba biang, namar ba ka jingwan tuid ki bar jylla, ka long kaba la ishyrkhei haduh katta katta.
lada ki bar jylla Kim biang ki kot ki sla ki sengbamlang ki beh noh ia ki , hynrei ,,,,,,, lada ki lah pat ban kha tyngka na ki wat lada Kim biang ki kot ki sla biang Beit tang ba la lah pynbiang ia ki , te kumno kein yn nai jyllei ki barjylla