Ha ki khyndiat sngi ba ladep, la iohi, ba U Conrad Sangma, myntri rangbah, ula leit sha Sohra lem bad ki paralok NPP jongu bad ka la dei pynban, ka jingleit kaba paw bieit shibun eh, namar ba kat ia ka sobjek, kaba iadei bad ka rai jong ka Sohra District, u leit tang ha ka kyrteng jong ka party lajong bad um shym la ia syllok lem, wat tang ia ki paralok kiba don lang ha kane ka sorkar synrop, MDA jongu bad kane ka thew, ba ia ka dohpasoh, te kwah bam hi, katba ia ka dohshyieng hap iasam lang sha ki paralok.
Ha katei ka jingleit U Conrad, ula shim ba ki nong Sohra, kin jin da la sngewhun hi jrut ban kyrshan NPP, da kaba u leit pynbna, ba ka Sohra, kan dei ka nongbah jong ka District thymmai, hynrei katei ka dei ka kyntien kaba blad sep sep ha ki nong Sohra, namar ba ka Sohra, ka ju dei hi haduh mynta ruh, ka nongbah jong ka Civil Sub Division bad nangta ka nongbah, kaba ka India ka tip bad ka pyrthei baroh kawei.
Ha ka jingiakren ia kat katei ka sobjek, um shym la sngew dei ban iawer ia ki MLA ka Sohra bad ka Shella, hynrei, ula shu leit hi bad ki para NPP bad katei kam shym thew, ba u khein bein ia kitei ki arngut, hynrei ka pyni, ba u niew bein ia ka Sohra bad ka thain Shella hi baroh kawei, namar ba kim dei ki Constituency, kiba kyrshan ia katei ka parti.
Kaba nang sngew shutia shuh shuh, ka long ba u symbud myntri rangbah, u nud ban leit tyrwa, ba ka Sohra District, kan trei kam mynta u snem bad lada ka long kumta, ka pyni, ba kitei ki arngut ki la thikna, ba ka sorkar thymmai, ka dei kaba ki la dep thaw lypa ma ki, ym ka ban dang thaw da u paidlang jong ka jylla.
Ka jingkren U Conrad Sangma, ka la biang bha ban theh umpjah ia ka Shella bad ka Sohra Constituency, na bynta ka seng NPP, ha shwa ka elekshon MLA bad ka daw, ka long ba uwei na ki samla rangbah jong katei ka thain, uba dang shu iasoh NPP shen, ula kren kob, ba ka Sohra District, kan urlong ha shwa ka Khristmas bad utei u samla rangbah, ula shu shah thok ei khamakha bad mynta, ka paw sa ka jingthok kaba ar, ha kaba ki kular ia ka District, ha u snem 2023, kaba mut, ba lada ka wan ka sorkar BJP ruh, hynrei ka District, kan leit ot ribon, da ka seng NPP bad katei ka jait jingkren, ka lah ban urlong, tang ha u bieij u anna.
U Bah Prestone u ladep ong te, ” Man ka San snem ngi pynbiej paidbah, bad ki paidbah ruh ki ngop shi ngop man ka San snem”
Ka kam ban ai district kam dei ka kam ban shu iapyrkhat khluit khlem da Sanibha na baroh ki Liang kiba iadon bynta hangta u nongthoh khubor ruh ym dei ban pyni ba Ula don Liang lypa ki nong Shella kim kyrkieh namar kiba hap hapoh ka sohra ruh kim pat iabeit jingmut lang sa ka pynursla ruh bad lehse ka mawsynram ruh
Kam pat dei por ia ki nong sohra shella ban ioh District noh.. iai ap shuwa haduh ban da ih bha ka por..