Ki nongniah kali kamai, ki la byrthen ban sangeh kamai, naduh ka Sngi Balang, kata ka 3tarik Rymphang 2021 bad ka daw, ka long namar ba ki kwah bai kali kaba heh, na ka jingkiewdor ha kine ki sngi bad sa kiwei ki jingktah kiba har har rukom, na ka daw jong kane ka jingpang khlam ha ka Jylla.
Ka long ka jingshisha, ba ka bai petrol, diesel, ka la kiew jubor ha kine ki sngi, hynrei kitei ki ar jait ki mar, ki long kiba ka sorkar India bad ki sorkar Jylla, ki bang bha ban ia knieh doh kyndang bad dang ha ka jingkren mang pisa, la pyni, ba ia ka jing myntoi ki nongrep ruh, yn hap ban khate pisa, hi na ka petrol bad ka diesel.
Ka jing shisha, ka long ba ka dor jong ka petrol ha Delhi, ka long T.26 lane T.27 shi litar, ha kine ki sngi bad na kane, ka sorkar India, ka khein tam T.32, kaba dei ka khajna lane ka excise duty bad nangta sa ka sorkar Delhi, ka khein tam T.19, kaba dei ka VAT, kaba ka ioh ka sorkar Delhi bad haba khein sa bad kiwei ki jinglut, ka dor die jong ka petrol ha Delhi, ka long T.84-85 shi litar.
Kumta ka mat jong ka jing iakren, ka long ba lada ia ud makna, ia ka jing kiewdor jong ka bai petrol bad diesel, hynrei, ka jing iakren, kam don jingmut than, namar ba ka sorkar India bad ki sorkar Jylla, ki khmih lynti, ia la ka jong ka bhah na kitei ki mar.
Wan sa ka ia kit briew bad hangne, ki nongniah taksi bad ki nongniah bos, ki dei ban sngew lehrain ialade, ba ma ki ruh ki pynkhein ain man ka minit bad ka daw, ka long ba haba ka ain jong ka tnat ka kit ka bah, ka kdew shai ban kit briew tang 4ngut hapoh taksi, hynrei, ki taksi, ki ia kit briew haduh 7,8 ngut; haduh ba la ia thep briew, kumba thep phan bad ngim tip ruh, la katei ka pisa, ka leit sha u trai kali ne u draibar.
Lada ngi khmih lynti, ba ka sorkar, kan iaid, katba kum ki ain, kumta, ngi dei ruh ialade ban long shwa, ki riew bat ain bad kata ka long ba ngin pynbiang ia la ki kali, katba kum ka jingbthah, kaba la iai buh na ka por sha ka por bad ba ngin burom ruh ia ki nongleit nongwan, da kaba kit briew, kat kum ka jingbuh kyndon bad ba ngim dei ban burom tang ia ka pisa, ban thep maphot ia ki briew bad ka sorkar jylla ruh, ka la dei ban teh lakam ia ki kali kamai ha Shillong, kumba teh ia ki kali kiba kamai sha Guwahati.
Sa kawei kaba I khlem rain eh, ka long ba lada phi bat kali ,lada thylli kin ong reserves bad oh dor baheh, na P.B ha Malki point 150,na PB sha Laitumkhrah pat 250.,sngi saitjain, puja, Christmas,New year lei kali ruh ym ioh,da reserves ruh dor ha bneng.,Kim pyrkhat shuh ba uba shong taxi dei uba duk bad u Middle class,lada pynkiew bai kali, nangno yn ioh ai bai leit skul, leit college ki khun bad petrol shisien pynkiew lah kiew shi junom ym hiar shuh da hiar bai petrol ruh