Ha ki khyndiat sngi ba ladep, na ka daw, ba U Chief Executive Member jong ka Khasi District Council, u la kynthah halor ka jingshim jait kpa, ki la mih sa kiwei pat ki jingkren pyrshah, ki bym sngew iahap satia bad kitei ki kynthup, ia ka jing pyndonkam ia u “C” ha ka jait Chyne bad lada iakren ia katei ka mat, ka ktah mationg pynban ia ka jait Chyne, namar ba baroh kitei ki jait, ki thoh Chyne bad ngim tip hi ruh, balei ba ka mih katei ka jingthoh Chyne bad kiba tip kham bha, ki dei ki trai kur.
Ha Ri Khasi jongngi, ki don bun bah kiba pyndonkam ia ka ktien “C” bad ha ka thain Riwar jongngi, ha ka shnong Nongshken, kim ju ong shnong, ha ka ktien jongki, ki ong “Chnong” bad ia kitei ngi lah ne em, ban ong, ba ki thoh phareng, haba wat ki bym nang thoh ruh, ki kynnoh kham sngewdait bha toi, da katei ka sur.
Kam dei tang kata, lada iakren shuh shuh, ki don bun ki jait Shallam, kiba spel da u “C”, nangta ki don sa ki jait Decruse, ki jait Cunville, ki Suchiang bad sa kiwei, kiba ju pyndonkam bha ia u “C” bad kumta, kan long kaba eh, ban ia rai ksan ia katei ka kyntien; lait noh, sa tang ki nongthoh lane ka seng ki nongthoh Khasi, ka ban batai.
Ka mat hangne, ka jyrsih noh, hadien, ba la ia nujor ia ka jingshim jait sha ka kmie bad ka jingspel ia ki dak Khasi lane phareng bad kane ka jing ia said ksan iwei ia iwei pat, kam long kaba itynnad satia, namar ba ka jingshim jait na ka kmie, kam dei kaba la leh khyllah, da U CEM, hynrei, ka dei kaba shu pynskhem, ia kaei kaba la ju leh, da ki pateng bynriew, lane kaba kumba 90 percent ki Khasi,Pnar, ki bud bha ia katei ka dustur longjait longkur, kaba la tip ym tang ha India, hynrei ha satlak jong ka pyrthei.
Kum ki nongialam bapher, ka la dei ba ngin nym ia wohdaw woh dong eh, ia ki rukom spel dak, lane ia ki rukom kynnoh; namar ba lada kane ka jingkhim jingmut ka don; lashai kan sa mih ka jingshah ujor, balei ba utei u kyrteng ialade da U David, namar ba ka dei ka kyrteng phareng bad balei ba um kyrteng da ka kyrteng Khasi.
Kam dei tang kata, ngi tip shai, ba ka Ri Khasi, ka dei kaba la im bad ki mishoneri ne ki phareng bad wat ki dak thoh ruh, ki wan rah ki mishoneri bad kumta ki jinghikai jongki, ki la shong tynrai ha ka jaitbynriew.
ia u ‘C’ ruh hap ia kynroi…….Ha ka jingshisha ngi lah don la ki jong ki Dak thoh Dak pule, balei pat ban dang leh tam bad leit tuh sa ia u jong kiwei, lada mut ban pynbeit ban pynskhem dei ban leh ha baroh ki Liang, hangta keiñ kan sa beit kan skhem……..(lada peit bha baroh ki don jingbakla, hangne ka paw ba u nongkynthoh ym dei ba u kynthoh da ka jingshemphang, pynban u don ka jingnoh shiliang sha ka Liang sha u ‘C’
KA dei
Lada ia kren ia kata ba dei ban bat ia ka dustur tynrai ban khein ba u khasi u dei u ta u khasi Lada u bud ia ki riti ki dustur kiba rim ,
te mynta mangi ki Kristan kiba khlem bud shuh ia ki riti dustur niam tynrai ka mut kata ka snam kaba tuid ha ngi Kam dei ka snam u khasi, tang namar ba ngi khlem bud shuh ia ka niam ka dustur u barim????? pyrkhat BHA ia Kane … ngi dei khasi namar ba ngi bud ia ki dustur ne ki khasi namar ba ka dei ka snam u khasi kaba tuid ha ngi?