Haba ka elekshon, ka la hajan eh, kumta, ka wan ka jingkylli ia ki riew ieid ri, kiba iohi jngai, ki khraw jabieng (ym ia ki riew lalot, ki riew bamduh bad ki jynrein kiba pynjot ia ka lawei jong ka iing ka sem jongki) bad kata ka long, la ka dang donkam ne em ban kanbas elekshon paidbah ha u 2023?
Naduh ba ka sdang ka longbriew manbriew lane ka dorbar iing ne ka dorbar shnong ne ka dorbar niam bad baroh jait ki jing iakynduh, ngin hap ban kynmaw, ba kane ka juk, kaba mynta, ka dei ka juk kaba suk tam ban ia pathai khubor.
Haba pyrta shnong, ym don kam sangot shuh ban leit shang kylleng, hynrei, ka tynghung, ka la pynbna iar, tang da kawei ka jing pyrta bad kam dei tang katta, haba don ki jingialang ialum, la shu phah tang kawei ka mesej bad la iasam paidbah ia ki spah bad ki hajar ngut bad katei ka dei ka juk thymmai ha ka jing pathai khubor.
Ban tip ia ki jingtrei kam jong ka sorkar lane ki MLA lajong, la ju pule baroh shi katta, ha ki kotkhubor; hynrei mynta, ka jingtip, ka wan noh mar mar, lyngba ka dur im lane ki youtube channel bapher bad ki nongjied, ki iohi, la U MLA jongki, u trei smat ne u leh jaituh ha iing dorbar, la u ju kren ia ki mat kiba donkam ne u shu sngap jar jar.
Ka dei ruh ha kane ka por, ba phi iohi lut, ia U MLA jongphi, uba kren biej, ne uba kren stad, uba rwai ne uba shad bad uba ki briew, ki sngewbang ne ki sngewjli (ia ki jingleh jongu), namar ba ia katei ka tiar, ka mobile, ka don mynta ha ki kti jongphi bad khlem pep, kum ki nongjied phin sngew ieid bad heh mynsiem, haba ki don bun kiba like ia U MLA jongphi, hynrei phin sngew diaw shibun, lada don kiba kren bein ne kiba kynthoh pyrshah ia u nongmihkhmat jongphi bad kata kein, ka dei ka juk jong ka jingstad, kaba don ha ki kti jongphi lane ka social media.
Kawei kaba jia ha kine ki sngi, ka long shuh, ba lada don ki video biria ne ki prokram jong ki seng bhalang, ki ju don bun bha, kiba peit bad kiba kyrshan; hynrei, haba ki kren ki myntri sorkar bad ki MLA, kiba peit ki ngiah bad ki duna bha bad kitei ki dei ki dak, kiba kongsan bha, kiba ngin ia peit kai; la ka pynbiej ka pisa ne ka ieng ka jingshisha, kaba ngi la bat ha la ki lynghoh kti lajong.
Ki mla donkam shuh ban canvas namar ki kam Jong ki ki ka canvas ia ki
Na ka liang jong nga te nga sngew ba ym donkam canvas namar ki paidbah ki lah sngewthuh hi kumno ban jied
ka donkam bha ban KANBAS. Ka daw ka long kumne:
1. Shibun ki jingshisha kiba ngi sngew kumba ki paidbah ki la dep iohi lut lyngba ki mobile/kot khubor bad kiwei².
Pynban haka jingshisha lehse kiba bun pat hi ruh kim iohsngew ne iohi!!!
2. Wat lada baroh ki briew kila tip lut ia kiei² nala ki lynghoh kti.
Pynban bunsien ki paidbah kim sngewthuh pura iaki jingshisha kumba la pynsaphriang. Ka daw ka lah ban long ba lehse ki tyllong khubor kim lah ban ai pura iaki jingshai ba bniah bin pabin, lane ba u paidbah um ioh pura ban kem iaki jingmut.
3. Ka donkam iaki Candidate ban iakynduh iaki paidbah ka shnong haki rynsan la kumno² shuwa ka ilekshon… khnang ba kin ioh ban iateh jutang marmet bad ioh ban iaphylliew jingmut ban ia sngewjan mynshuwa ba u nongjop un jop. Nalor kata ban ia ithuh ithaw.
4. Baroh hi ngi tip, BA KI NONG KANBAS KI DEI KIBA PNAH THYLLIEJ TAM ban ia kyllan khleiñ bad pynban pynthiang ia u Candidate uba ki kyrshan. Bad ki tbit kdew janai iaka lait ka let jong kiwei.
KANE KAN IARAP IA U PAIDBAH BA UN SAN HAKA CRITICAL THINKING.
Watla shibun kiei² ngam lah ban kdew. Pynban nga sngewdei bha ba ka donkam beit ban KANBAS ELECTION!!!!