Ka jingiap jong U Bah Cherishterfield Thangkhiew, ka la nang pynmih shuh shuh ia ka jing kahdum bad ka daw, ka long ba wat u myntri kam poh iing ka sorkar jylla, ula pynpaw ia ka jing kyndit jongu, halor katei ka jingjia.
Ngim da sngewthuh shai, ia kaei ka jingmut, kaba don ha utei u myntri kam poh iing, ba u dang kyndit, ynda hadien ar sngi, jong ka jingiap jong utei u rangbah bad ba mar ia kyndit, u hiar shuki noh syndon artad kum u myntri jong ka tnat kam poh iing.
Ha ka shithi iehnoh kam, sha u myntri rangbah, U Ma Rymbui, u pyndonkam ia ki kyntien, kiba ong “ba u sngew kyndit thret ia ka jingleit khynra ki pulit, kaba la wan rah ia ka jingiap jong U Bah Cherishterfield Thangkhiew” ha kaba u ong ba katei ka jingjia, ka la long palat ia ki kyndon ain.
Lada u myntri kam poh iing, u kyndit halor katei ka jingleit khynra, kumta ka pyni, ba kiba tip pleng (lehse), kin dei u myntri rangbah bad U DGP pynban; namar ba ka jingkren u myntri rangbah bad utei u heh pulit, ka shai bha kdar, ba ka jing leit sha iing U Bah Cherish, ka dei ba ki don ki jing shisha, kiba thew ban pynbthei bom biang, ha kiwei ki jaka jong ka nongbah Shillong bad katei ka jingshisha, ka dei ban mih, ban ia tip ki paidbah, la ka hukum, leit khynra, ka dei na ka bor u myntri rangbah, U DGP lane u myntri kam poh iing, ba ioh lehse, ka jing sait kti, ka shu long ban sait khuid ialade, ynda haba la poi ha ka kutlad lane ba ioh u myntri kam poh iing, u shu long pleng tang u niang kohnguh ha khmat kiwei pat.
Ym tang katta, kaba pyn pyrkhat shuh shuh, ka long ba u myntri kam poh iing, ha ka shithi iehnoh kam jongu, u ai jingmut ban pynlong da ka jing tohkit da ka iing bishar lane kaba ki ong judicial, katba u myntri rangbah, tip, ula ia syllok bad u myntri kam poh iing lane ula shu rai hi bad u pynbna, ban pynlong da ka jing tohkit da u magistrate lane magis terial enquiry, nangta sa U DGP, u pynbna, ban tohkit, da u heh pulit bad kumta, katei mat, ka la i milai jaktung hi khait, ba ia kajuh ka jingjia, yn hap ban thaw ia 3,4 tylli ki kynhun tohkit bad ba ia ka jing tohkit ruh hap lushia, da u myntri rangbah, khlem da ia syllok pleng bad u myntri kam poh iing, uba dei u trai jong ka kam.
Nyngkong eh nga kwah ban ong ba ka long kaba sngewsih bad kaba pang nud haba ngi lah duh noh ia i Bah che bad ngi dei ban iatrei lang ha kane ka por kum ki Khasi ban iarap ia ka iing ka sem ka jong i ban ioh ia ka hok lane kata ka “justice” kaba ki ong ha ka ktien nongwei. Nyngkong eh kaba nga sngew ka long ba ngi dei ban pynsngewthuh ia ki para khasi ki jong ngi ba ngin iaid ia kaba dei bad ba ka jingleh ka jong ngi kan um poi sha uta u sam haduh ba ngi duh pat ia kiwei kiwei ki mynsiem bakordor hapdeng jong ngi. Ngi dei ban tylli lang bad ban iaineh haduh ba ngin da jop.
Kaba ar kaba nga sngew ka long ba u CM u ong ba ki shu phah ban arrest ia i bah Che pynban ki siat iap ia i haba i dang iohthiah. Kawei kaba nga don ka jingkylli kalong ba kumno ki pulit kin nud ban siat khlem da ioh kata ka “order” najrong bad kumno ki ong ba i bah che i bat kata ka tari? bad kumno tang na bynta kata ka tari un siat iap noh ia i? Kat kum ka jingtip jong ngi, ngi tip ba kine ki special force ki lah train ialade bad kumno kim lah ban ialeh ia uta u briew u ba pang? Nalor ki lah ialiet da ka kynhun, kumno kim lah ialeh ia i bah Che? Kane ka long ka bym dei. Ki lah ioh iaka order bad kumta ki lah siat iap ia i bad kalong ruh ka bym sngewtynnad haba ki lah kem ia ki khun jong i bad shoh iaki. Kane ka long kaba sngewsih iangi ki paidbah ruh haba ngi iohsngew iakane.
Kaba lai ki ong ba ki don kata ka jingtip ba i Bah che i don kti ha kata ka kam pynbthei bomb. Lada i don kti te pynpaw sha ki paitbah bad ruh lada ki don kata ka proof ngi dei ban phah investigate bha ioh kadei ka proof kaba ki shu shna maki ruh ban frame ia i. Ngim dei ban shahñiah kulmar ha ki proof kaba ki ai ruh.
Bad kaba khatduh kalong ba ngim dei ban leh eiei ia ki pulit ki bym don kti namar bun ki pulit kidei kiba innocent bad bun ruh naki kidei ki doh ki snam jong ngi hi. Ngi dei ban wad bad tohkit bha mano ba don kti sha lyndet kine naduh ki heh haduh kibarit bad dei ban da pynshitom jur eh iaki bad ban weng noh iaki. Bad ba ngim dei ban ktah kti ia ki innocent.
Tang kata. Ngin duwai ba i bah che, ki khun jong i bad ka iing jong i kan ioh iaka ka “justice” bad ngi dawa ruh iaka independent enquiry halor kane ka kam khnang ba ngin tip iaka jingshisha.
Khublei shibun.