Duna tam ki nongthep vote ha North bad South Shillong, bun tam ha Ranikor

Shillong:Ki nongthep vote ha Meghalaya, ki poi sha ka 76.60 percent, ha kane ka elekshon Lok Sabha 2024 bad ka jingpoi ki nongthep vote na bynta ka Tura Constituency, ka long 81.37 percent, katba ia ka Shillong, ka long 73.78 percent. Ha u snem 2019, ka jingthep vote ha Shillong, ka long 65.48 percent, katba ha Tura, ka long 81.38 percent.

Ka jingthep vote, ka hiar jubor ha North Shillong, ha kaba kiba thep vote, ki wan tang 59.55 percent, katba ha South Shillong, ka long 58.36 percent. Kiba wan bun eh, ki dei ha Ranikor, ha kaba ki poi sha ka 80.55 percent.
Ha Tura, ki nongthep vote, ki duna eh ha South Tura, ha kaba kiba poi, ki long 69.60 percent, katba kiba bun eh, ki long ha Rajabala, kiba poi sha ka 87.85 percent.

Baroh ki nongthep vote, kiba poi ki long sha ka 17,05,476, ha kaba ki shynrang ki poi sha ka 819431ngut, katba ki kynthei ki poi sha ka 886042ngut.
Ha Shillong, kiba thep vote, ki poi sha ka 520564 ki shynrang bad 462994ngut ki kynthei.