Shillong: U myntri rangbah ka jylla u Conrad K Sangma, u la ong ba ka dang duna palat ka dohsniang, ha kane ka jylla bad ha ka thaiñ shatei Lam mihngi bad dei na kata ka daw ka sorkar ka la pynkhreh ban ai da ka skhim jingiarap (Grant) bad ka ram kaba jem bha (loan) na ka bynta ki nongri jingri ban pynshlur ia ki ha ka ri sniang bad kiwei pat ki jingri kum ka syiar.
U Conrad u la ong ba ka thaiñ shatei lam mihngi baroh kawei ka donkam dohsniang 3.1 Metric Tonnes ha ka shisngi, hynrei kaba lah ban pynmih hi nangne pat ka long tang 1.2 lak Metric Tonne bad ka dang duna sa 1.9 lak metric tonne. Dei na kane ka daw u Conrad u la ong ba ka sorkar kan thaw ia ki lad ki lynti ban pynshlur ia ka ri jingri ha kane ka jylla bad ba ki samla kiba khlem kam khlem jam kin lah ban seng ia la ki kam jong ki ha kaba ka sorkar kan sdang da kaba mang shuwa T.10 klur tyngka.
Shuh shuh haba kren ha ka jingiamir jingmut ban kyntiew ia ka kam ri sniang bad ri syiar kaba la long myn hynnin ka sngi ha State Convention Centre, Shillong u Conrad u la ong ba ka sorkar ka don jingmut ruh ban jied ia ki shnong kiba smat ne ka Smart Village bad na ka bynta kane u la ong ba ka sorkar ka la ia soi kular bad ka University of Berkley, California ba kan pynbiang ia ki tiar ki tar ban kyntiew ia ki shnong kiba shah jied kum kata ka Smart Village bad na bynta kane ka la don ka jingiakren ban mang pisa T.11 klur tyngka.
Nga kwah ban Ri Masi khemdud, ka Skhim aiu ka don?
Ri sniang te jynjar ban wad jynbam,hap shu thied lynter
Ia ki tei ki scheme lane loan ban ri jingri lah bn ioh man ki briew ne ioh tang kiba don certificate ba lah pass training shaphang ki sniang ki syiar