Duna nongtrei ong ka tnat ka koit ka khiah “Iakynduh jingeh”

Shillong, 24 Risaw:
Ka tnad ka koit ka khiah mynta ka sngi ka la
pynlong ia ka jingbishar ia ka jingiaid ki kam ki jam jong kane ka tnad ha ka Conference Hall, Shillong Club ha kaba ki heh sorkar, kynthup ka myntri ka Kong Roshan ka iadonlang.
Haba kren ha kane ka jingialang, u Additional Chief Secretary, u Y. Tsering u la ong ba ka tnad ka koit ka khiah ka la iakynduh jingeh bha bad kaba kongsan ka dei ka jingduna ki nongtrei.
“Nalor bun kiwei ki jingeh, ka jingkyrduh nongtrei ka dei kawei kaba ktah bha ia ka jingiaid ki kam ki jam ha ka tnad ka koit ka khiah”, la
ing u Tsering. U la ban jur ban pyndonkam pura ia ki tiar ki tar na ka bynta ka jingmyntoi ki paidbah ki paidbah.
Katba ka myntri ka Kong Roshan Warjri ha ka jingkren plie jongka, ka la ong ba donkam ban trei shitom ban aiti na ka bynta ban tem ia ki jingeh ba ka tnad iakynduh. “Ban shakri ia ki paidbah, donkam ban don ka jingiatreilang kum ka kynhun”, ka la ong.
Ka la ong ba kum kane ka jingialang ban bishar bniah ia ka jingiaid ki kam ki jam, donkam ban pynlong ruh ha man ki district khnang ban lah ban tem ia ki jingeh jong ki paidbah.
Ha kane ka sngi la don lang ruh u Bah H. M. Shangpliang uba long u Secretary ka tnad ka koit ka khiah bad u Mission Director ka NHM, Dr. R. O. Budnah u Director ka Health Services (MCH & FW) uba long ruh u Joint Mission Director, NHM, u Bah K. W. Marbaniang u Secretary ka tnad ka koit ka khiah bad kiwei.