Duna network ka Aircel

Shillong, 3 Rymphang:
Ka bor pyniaid jong ka kompeni Aircel ki la ong ba ka network Aircel ka duna bha namar bym ioh jaka ban pynieng tower khmatam ha ka Nongbah Shillong bun ki shnong bad ki trai jaka kim ai jaka ban buh ia u tower Aircel.
Haba kren mynta ka sngi sha ki nongthoh khubor Nilahama Nilaj Circle Business Head Noth East Airce ka kom peni u la ong ba kane kadei kawei ka jingeh hynrei sha ki jaka nongkyndong ka network jong ka Aircel ka biang bha ha kaba wat sha kiwei ki jaka kiwei ki kompeni kim lah ban poi.
U la ong ruh ba ka kompeni ka la buh thong ba naduh u bnai Lber mynta u snem ka kompeni kan pynkhlain ia ka network Aircel khnang ban ai ia ka jingshakri kaba kham biang ia ki paidbah ha kane ka jylla.
Hynrei ha kawei ka liang la ong ba ha khappud bad kiwei ki ri ka kompeni 500 metar ka jingjngai na khappud kan nym don network namar kane kalong ka polisi ba la bthah da ka sorkar India.