Ki nongtrei jong ka BSNL, kim shym la ioh tulop satia na ka bynta u bnai Rymphang 2019, kaba dei ba kin ioh ha ka 28tarik jong u bnai ba ladep. La iathuh ruh ba ki dei ki nongtrei sngi, ki bym shym la ioh tulop, la lai bnai kynthih bad don ruh na kitei ki bym ioh tulop la hynriew bnai kynthih, ong ka khubor.
Ki nongtrei jong katei ka tnat, ki la thoh sha U Manoj Sinha myntri ka tnat Telecom, ba un pyllait pisa na ka liang jong ka sorkar, na ka bynta ba kin ioh thikna ia ka tulop jongki. La antad, ba ka tnat BSNL, mynta ka don ka jinghiar ka kamai kajih kaba jur bha bad ki nongtrei jong katei ka tnat, ki dang pynkhreh ban pynlong da ki jingiakhih bapher, na ka bynta ba dawa ia ka tulop ba sahteng.
Phi don ban ong eiei?