Shillong: Ka Shillong Lajong ka la duh ban rung sha kawei pat ka kylla jong ka Hero Elite Youth League ka U-18 Youth League hadien ba ka la shah rem ha ka jingiakhun myn hynnin ka sngi pyrshah ia ka Reliance Foundation Young Champs da 2-1 ha Goa.
U Thoi Singh u la thep 2 kol ia ka Reliance Foundation kaba la wan ha ka 29 bad 58 minit katba kawei ia ka Lajong la thep da u Dajiedlang Wanshnong ha ka 41 minit.
Ka Minerva Punjab bad ka Chennaiyin FC ki dei ar tylli ki kynhun na ka Group B kiba la ioh rung sha ka Quarter jong kane ka lumpung.