U Myntri Rangbah ka jylla u Conrad K Sangma ha kane ka sngi nyngkong u la pyntip hapoh ka iing dorbar ba ka sorkar ka la shim bun ki lad ki lynti ban khang lad ia ka jingpyndonkam da ki challan thok da ki nongkhaii dewiong namar ba kane ka la wanrah ka jingduh khajna kaba jur ia ka sorkar.
Haba jubab ia ka mat ba la wanrah da u MLA ka Congress na Mawsynram, u Bah Himalaya M Shangpliang, halor ka jingsaphriang ki challan thok ha East Garo Hills, u Conrad u la ong ba ka sorkar kan bishar biang ia kane bad ban wanrah da ka lynti na ka bynta ban ai ia ka Mineral Transport Challans (MTCs).