Shillong: Khyndai na ki khadsan ngut ki nongialehkai kynthup ki officials hapoh ka lama jong ka Meghalaya Athletic Association (MAA) ka la duh ban ialehkai namar ba kim don Aadhaar card.
Kine ki nongialehkai kila mih na nongbah Shillong ha ka 11 tarik mynta u bnai ban leit shim bynta ha ka lympung 31st North East Zone Junior National athletic Chanphionshi ka la poi mynta ka sngi ha Ranchi.
Ha kane ka kynti ka MAA ki 9 ngut ki nongialehkai athletes kiba la jied ha ka coaching camp kim shym la lah ban shim bynta bad ka kynhun namar ba dei ka sien nyngkong ba la pyntreikam lyngba ka online ban ia kyrteng ia ki nongialehkai bad ia ki application jong ki kim shym la pdiang lyngba ka online entry, na ka daw ba ka address kam biang katkum ba la ai ha ki syrnod sngi kha bad kawei pat kim don ia u adhar card.
Kumta ka long ka jingduh kaba khraw ia ka jylla bad bun na kine ki nongialehkai ki dei kiba la khur takma ha u snem ba la dep hynrei ki la duh noh tang namar ba kim don ia u adhar card.
Katkum ka kyrwoh khubor ba la pynlait da Bah Finely Pariat, Secretary ka Meghalaya athletic association ka la pynpaw ka jingsngew duhnong haba ki khynnah ba la shah jied kim ioh ban shim bynta, ka kyrmen ba ha u snem ban wan ioh ia u adhar card ban plie lad ia ki khynnah ban ioh iashim bynta.
Phi don ban ong eiei?