Duh ei ka tnga trai T.6hajar, ba shah pynbieit u peon ha ka tnga kliar

Shillong: Kawei ka longkmie, ka la ujor sha ki pulit, ba ka bai bnai kaba ka ju ioh T.6hajar shibnai, ka la sangeh noh, hadien ba u tnga jongka, ula shongthait noh na ka kam kaba u trei.
Hadien kata, ka la iakren ia ka Office jong U Principal Chief Conservator of Forest & HoFF, Meghalaya, Shillong, ha kaba ula thoh ha ka 25/04/2019 sha U Senior Treasury Officer, Shillong District Treasury, ba dei ban khatei T.6hajar shibnai sha katei ka longkmie, katba kum ka hukum jong kashari.
La tip pat kham hadien, ba katei ka shithi, kam shym poi satia sha ka Treasury bad ka daw jong ka jing bym poi katei ka shithi, ka long ba u peon jong katei ka ophis, um shym la leit ai ia katei ka shithi, namar ba ula shah ialam bakla ha ka tnga ba ar jong utei u tnga jongka.