Duh ding ha Khliehriat, ujor ka MPUF

Khliehriat: Ka seng Meghalaya People’s United Front, Khliehriat Circle hapoh ka jingialam U President jong ka u ma Kyrshan Blah bad ka la leit buh da ka dorkhas ha ka ophis jong ka MeECL Moowakhu Khliehriat Distribution Division kaba hap hapoh East Jaintia ban dawa ban bujli noh ia u wei u Transformer ba la sniew hapoh ka shnong Khliehriat East,East Jaintia Hills.
Katkum ka jingtip jong ka seng u tei u Transformer ula sniew naduh ka 16tarik mynta u bnai bad katei ka la pynthut lut ia ka kam ka jam jong u paidbah khamtam ha kane ka juk mynta, ha kaba ki paidbah ki shaniah la jan baroh ki jaitkam na ka bording bad khamtam ruh ka eksamin shiteng snem jong ki khynnah skul ruh ka la nang hajan.