Donkam ka NPR ia ka NRC:Mukul

Shillong, 17 Lber:

U Myntri rangbah ka jylla u Dr Mukul Sangma u la ong ba ka donkam shwa ka National Population Register (NPR) shwa ban leh ia ka National Citizenship Register (NCR).

U la jubab ia ka jingkylli la ka sorkar kan pdiang em ia ki Hindu ba dei nabar ri katkum ka jingpynkylla ka sorkar India ba la wanrah u MLA Nongkrem bah Ardent M Basaiawmoit hapoh ingdorbar.

“Ka India ka don 1.25 klur ki nongshong shnong, ka long kaba donkam ban bishar shwa ia ka jinglong jong ki ban tip mano ba dei na India bad mano bym dei”, la ong u Dr Mukul.

Katba u myntri kam pohiing u bah HDR Lyngdoh u la ong ba ka sorkar kam pat don kano kano ka jingtip ba ka sorkar Assam kan wan leh ia ka NRC ia ki briew ba sah ha khappud. U la ong ba ka sorkar kam pat kren eiei halor ka Citizenship Amendment ka sorkar pdeng ban pdiang ia ki Hindu ba sah shabar ri ban wan sha India namar ka jingshah lehbein.