Donkam ban pynsangeh shwa ia ki Shad Suk Mynsiem bad Seng Kyrsiew

Shillong: Ka Seng Khasi Kmie, ka sngew ba kan kyntu ia baroh ki Circle ne ki tnat Seng Khasi ba don ha kylleng sawdong ka bri Hynñiewtrep, ba lada long kaba lah, ia mynta ban pynsangeh noh shwa ha kaban pynlong ia ki Shad Suk Mynsiem ne ki Seng Kyrsiew.

Kane ka jingai jingmut na ka liang ka Seng Khasi kmie ka dei halor ka nongrim ba ka la ioh pdiang ia ka kyrwoh na ki bor sorkar ka jylla kaba la shim ia ki lad ki lynti ban iada naka jingsaphriang jong ka jingpang ba la pur ha kylleng sawdong ka pyrthei ka Covid-19 (Coronavirus).