Don thapbasin ha ka tnad pulit ba hiar thma ka GNLA:ANVC-B

Shillong, 7 Naiwieng:
Ka ANVC-B ka la kynnoh ba don u thapbasin ha ka tnad pulit ka jylla ba donkti ban long nongpyntip ia ka GNLA ia ka jingleit lynti jong ki san ngut ki pulit kiba kyllon iap ha kane ka sngi Hatmajai ha Bangjakona hajan Kapasi para ha South Garo hills district.
Ha ka kyrwoh ba la pynlait ha kane ka sngi Palei, ANVC-B ka kynnoh ba ka jingiaid jong ki pulit pahara la pyntip sha ki lehnoh GNLA.
Ka ANVC-B ka la ong ba la don ki thapbasin ha ka kynhun pulit ba pyntip ha ka por ba leit ki pulit sha Tura bad kiba hiar thma ki tip ba kim dei ki SOT lane ki SWAT, kiba la sngew thikna ban hiar thma.
Ka seng ka la ong ba ka jingtip ba la ioh da ki GNLA ka la biang ia ki ban pynkhreh ban hiar thma ha kaba ki tip ia ka jaka ba kin iaid.
Ka ANVC-B ka la ong ba ka jinghiar thma ka pyni ia ka jingdon ki thapbasin ha ka tnad pulit bad ki GNLA ka bym long shngain lada ka long kumne.