Don ruh Ki langiong ki ba ju khaii drok phla u wei u samla dih drok

Shillong 09 Nailar: Ka Hynniewtrep Youth Council (HYC) sengkmie ha ka 9 tarik u nailar 2024, ka la leit ban khynra ia ki nongdih drok ha Civil Hospital,Shillong.

Ha kane ka jingleit baj khynra, ka seng ka ka ioh bat haduh 15 ngut ki nongdih drug,  na civi hospital shillong, 2 ngut na Kitei ki dei ki nongkhaii ba shyrkhei, katba 13 ngut pat ki dei ki nongdih.

“Ka seng ka la lap na kimet jong Kitei ki nongkhaii bad nongdih ia 14 rylli ki mobile fone, ki heroine kiba la thep ha ki Kontiner, ki Thyrniah inject, ryngkat ka pisa khynthup ruh ia ki ATM card,  ki tiar pynmynsaw kum ki blade bad kiwei2 dei

Ha ba ka seng ka la tohkit bniah ba kitei ki nongdih drok, uwei u samla napdeng kiba dih drug u la phla, ba ha ka por ba wan u covid-19, u drok u la sdang duna namar ba ki briew kim ioh lad shuh ban theid, hynrei mar shukut ka covid ki nongdie drok ki la sdang ban pynhiar dor, khnang ban khring ia ki samla ban pynngop, hynrei tang katto katne por hadien  kiba  bun ki la ngop, ki nongdie ki la pynkiewdor noh sha ka sanspah tyngka.

U la ong, ba ka jing bym ioh kam iohjam hadien ba la pyndep ia ka jing pule ka daw ba pynlong ban ngop ha u drok, namar ha man ba ki aplai ki kam ym ju ioh  namar ki don ki kam kiba lah don briew lypa, namar ka jingbymdonkam bad ban lait na jingkhusla kim banse ban dih drug ban lait na ki jing khuslai,

Shuh shuh u la iathuh ruh, ba ki don ki langiong kiba ju khaii ia drug ha nongbah Shillong. Hadien ba ka seng ka la dep ban khynra lut ka la Thang noh shisyndon ia baroh ki drok.