Don lai ngut ki nongtrei Secreteriat, kiba ioh corona; khlad sa iwei

Shillong:Ki lad khubor, ba dang shu ioh lum, ki iathuh ba ki don lai ngut, kiba ioh pang Covid 19 na Main Secreteriat.

Na kitei ki lai ngut, la sngewthuh ba uwei u dei u peon jong ka Finance Department, katba arngut kiwei pat, ym shym la lah ban tip thikna satia, tangba la iathuh ba baroh 3 ngut ki dei kiba don ha Main Secreteriat.

Ka case kaba nyngkong eh ha secretariat la lap ha ka 2 tarik u Nailur, 2020.

Kiwei pat ki lad khubor, ki iathuh ba ka don sa kawei ka briew, kaba khlad na ka jingpang khlam covid mynta ka sngi. Katei ka dei kaba shah sumar ha NEIGHRIMS, Shillong bad ktei ka la khlad mynta ka janmiet, ong ki lad khubor.