Shillong:Ka kong EL Warjri, Additional Deputy Commissioner, East Khasi hills, kaba peit ia ka Pynursla Civil Sub Division, ka pynshai mynta ka sngi, ba ka jingkhang ia ka surok, ha ka por 9.30 haduh 11 baje mynhynnin ka sngi, kam dei satia, namar ba ka don shisha ka jingkhie jumai, hynrei ka dei tang ka jingleh mynleh pynkhie jumai, ba la pynlong da ka Pynursla Civil Sub Division, ha ka surok kaba ha ka 32 Kilometre, ha ka shnong Rngain jong ka surok bah Shillong Dawki.
Ka ophis jong ka Additional DC, ka iathuh ba ki don kiba ngeit ba ka la don shisha ka jingkhie jumai bad ba ka la don ruh ka jingduh jingjulor, ha katei ka jaka bad ha katei ka por jong ka jingjia bad la pynshai namarkata, ba ka jingkhang ia ka surok, ka dei tang kum ka dak jong ka jingpynkhreh, ia kiba kum kitei ki jingjia kiba lah ban wan khlem poi pyrkhat.
Ka ophis jong ka Additional DC, ka ai jingiaroh ia ka jingiarap bad ka jingiatreilang jong ki paidbah, ha kitei ki kynta jong ka jingpakhang surok bad la pynpaw ia ka jingsngewsih, na katei ka ophis, na bynta ka jingsngewthuh bakla, halor katei ka jingpynbeit jong katei ka ophis, namar ba kaba kum katei ka jingpynkhreh ka long kaba donkam, na bynta kino kino ki jingjia, kiba lah ban wan khlem poi pyrkhat lypa.
Phi don ban ong eiei?