Shillong:U Bah Spencer Majaw, uba la don 50 snem ka rta bad uba shong ba sah ha Pohkseh, ha ka jingiakren bad U Rupang, u ong ba haba leit sha ka bhah kam bhah jam, dei ban kynmaw, ban peit shwa ia kaba shadien. “Kano kano ka force, ka ban leit shakhmat, hap ban leit shwa shadien, lada iakren ia u khnam ruh ban siat sha khmat ruh ka long kumta, lada u bullet lane u briew, u ba kwah ban kynthih shakhmat, hap leit shwa shadien”.
U bah Majaw, uba la ioh ia ka kyrdan Master of Commerce bad uba la long u nonghikai ha kiba bun ki kolej, u ong shuh shuh ba ka sorkar India, ka shna ia ka bhah kam, na bynta kiba duk, kiba sahdien bad katei ka trei kam ha baroh kawei ka Ri India.
U Bah Spencer, u ong shuh ba ki nongialam kiba ialeh jylla rilum, ki khlem leh ia kaba bakla, ha kato ka por, da kaba ki ia bhah 40 ia U Khasi bad 40 ia u Garo bad ha katei ka por, kam shym la don satia kano kano ka jingthnum na kano kano ka liang.
Utei rangbah, u ong shuh shuh, ba ha kine ki 5 bad ki 10 snem, ki kmie ki kpa, ki la pynlut shibun, na ka bynta ban phah jingpule ia la ki jong ki khun bad u ong ba ki don ki kmie ki kpa, kiba lah bad ki phah ia ki skul shabar, ha ki skul kiba bha tam bad nangta ki don kiba phah ba kin leit sha ki coaching, ha kaba ki kmie ki kpa, ki hap siew, da ki lak tyngka, na bynta kitei ki jingleit pyntbit jong ki khun jongki bad kumta, u ong “Ki kmie ki kpa, kiba lah, kim donkam satia ia ka reservation”.
“Nga kwah ba ka sorkar kan peit ia kane ka liang, ba ioh kan thaw ia kane kaba thymmai, kan dei pynban, na bynta kiba ioh bad kiba lah, katba kiba duk kim don shuh hangno hangno ruh” ong U bah Spencer.
“Ngam ong tang ia kiba duk, ki don ki middle class ruh, kiba ia kamai lang, hynrei ka jingioh jongki, kaba duna bad kum ia kito ruh ka sorkar, ka dei ban peit” ula ong biang.
“Lada ka jing ai bhah, ka dei 80 percent, kumta kan dei tang ia kiba lah” ong biang U bah Spencer bad ula ong ba ki don ki nongtrei kiba ioh tulop haduh T.2.50 lak bad kitei kim dei shuh ban kam ia katei ka bhah bad ka sorkar, ka dei ban peit bha ia kane bad ula kren shai ruh, da kaba ong “Ia kane te ngam sngew iahap da lei lei ruh, namar lada phi dang leh kumta, kam pynthymmai” ula ong shuh shuh.
u bah Spencer u kren da ka jingsngew khlem ka jingsngewthuh.
shu buh, lada u Mr X u ioh tulop 5 lak shi bnai bad u don khun 5 ngut. ki khun jong u kim dei ban ioh bhah shuh na ka RP, shu buh u Mr X u iap syndet ne u phet tnga noh meaning u iop lok noh shawei. kan jia aiu ia kito ki khun khlem bhah jong u.
U 1 ruh kumto,
U 2 ruh kumta,
U 3 —-
Kamkai suda bhah shi bhah sha diang sha mon, kumno pham ia hun tang ban bam ja Mluh ruh.
Hato phi kwah kaei na pdeng kine harum?
Jingsuk___?
Ne
Jynjar___?