Don ki nonglute ha kine ki sngi, kiba lute ia ki briew ha ka rukom kaba kham pher

Shillong: Ka pyrthei katba nang mih ki sngi kala nang jyllei ki kam sniew da kiba bun jait ki rukom. Ha kine ki khyndiat sngi bad taiew kiba bun ki la ngat ha kane ka jingpynap shrip da kine ki riew bymman.

Kane ka jingjia ka kham jia khah khah ha ka surok naduh civil hospital, shillong shaduh Upper Shillong. Kata kalong kaba bun kiba ngat ia kane kidei ki nongniah kali, khamtam ha ka por ba dheng kali ne suki ka rukom iaid ba dheng kali, kine kiba la ngat ki iathuh ba ki nonglute ki ju tied ia ka jingkhang kali bad ki rung beit ha ka kali bad ki ong ba ‘Phi synrud ia nga, nga la mynsaw ka kjat, phi hap ai pisa ia nga’ don kiba pan 3 hajar, don kiba pan 6 hajar bad bun na ki nongniah kali kila shah pynjem daw ha kine ki riew bymman.

Don kiba ngat ha kane ka jingjia ki iathuh ba ynda kila ioh ia ka pisa ki phah pynhiar noh bad nadien jong ki la don sa kawei ka kali kaba bud ia ki bad ki sa kiew. Kiba la ngat ha kane ki da buddien bha naduh ki thain civil hospital bad kiba leh ia kine ki jait kam ki don ki shynrang bad ruh ki kynthei.

Kumta la donkam ban peitngor bha kum ia kine ki nonglute kiba pyndonkam da kum kane ka buit thok. ki bor pulit ruh ki dei ban peitngor bha ban thwet bad iohkem ia kum kine ki briew ia kiba la suba ruh ba ki don da ka kynhun.