Shillong:Ka khlam corona virus, ka la lynshop jubor ia u paidlang ka jylla, ha ki snem 2020 bad 2021 bad ka sorkar jylla, ha u snem 2020, ka la mang pisa T.25lak sha ki MLA, na ka bynta ba kin thied ia ki tiar ki tar kiba donkam sha u paidlang jong ka Constituency.
Na ka Right to Information, kaba la lum da U Rupang, la pyni, ba ka kong Ampareen Lyngdoh, MLA jong ka East Shillong, ka la pynlut ia T.25lak, na ka MLA Scheme jongka, na ka bynta ban thied ia ki marbam sha ki nongshong shnong jong ka Constituency, U bah Lambor Malngiang, MLA jong ka Nongkrem Constituency, ula pynlut T.20lak, na ka bynta ban thied khaw bad ban sam sha ki nongshong shnong, ha katei ka por jong ka pakhang shnong bad nangta sa T.5lak ban thied ia ki dawai ban khanglad na ka jingpur jong katei ka jingpang lane ki Sanitizer bad kiwei.
U Bah Sanbor Shullai, MLA jong ka South Shillong, ula pynlut T.25lak na ka skhim jongu, na ka bynta ban thied khaw bad kiwei de ki marbam; U bah Banteidor Lyngdoh, MLA ka Mawkynrew, ula pynlut T.20 lak ban thied khaw bad sa T.5lak ban thied dai, ata bad kiwei de ki marbam; U bah Mohendro Rapsang, MLA West Shillong; ula pynlut T.5lak ban ai jingiarap ia ka H Gordon Robert Hospital, ban thied ia ki dawai, ban iada na ka khlam covid bad nangta sa T.20 lak, ban thied ia ki tiar ba donkam ban iarap sha ki 2hajar tylli ki longiing. U Bah PT Sawkmie MLA ka Mawlai, ula pynlut T.25lak ban thied marbam lem bad kiwei de ki jingdonkam, ha ka por jong katei ka khlam covid 19; U bah AL Hek, MLA ka Pynthorumkhrah, ula pynlut T.25lak, ban thied khaw, thied marbam na ka daw jong ka pakhang shnong, namar ka khlam Covid, U bah David A Nongrum, MLA ba la khlad noh jong ka Mawryngkneng, ula pynlut T.18lak, ban thied khaw bad ban sam sha 5hajar ki longing bad sa T.7lak ban thied dawai ban siew sha ki 5hajar ki longing.
U bah Samlin Malngiang, MLA ka Sohiong, ula pynlut T.25lak, na ka bynta ban thied khaw bad kiwei ki marbam; U bah Balajied Kupar Synrem, MLA ka Shella, ula pynlut T.25lak ban thied khaw bad kiwei ki marbam ba kongsan, ban iarap ia ki paidbah, na ka pakhang shnong Covid.
U bah Charles Pyngrope, MLA ka Nongthymmai, ula pynlut T.7lak ban thied dai ban sam sha ki 5hajar ki longing, kaba long 2 kilo shi iing bad nangta sa T.18lak ban thied khaw ban sam sha ki 5 hajar ki longing, kab along 10 kilo shi iing. U bah HM Shangpliang, MLA ka Mawsynram, u pynlut T.25lak, ban thied marbam bad kiwei de ki mar ba donkam; U bah Gavin Mylliem, MLA ka Sohra, u pynlut T.25lak ban thied khaw bad kiwei de ki mar ba kongsan, ha kitei ki por pakhang shnong; U bah Hamletson Dohling, MLA ka Mylliem, u pynlut T.25lak ban thied ia u khaw bad kiwei ki mar ba kongsan; U bah Adelbert Nongrum, MLA ka North Shillong, u pynlut T.25lak na ka bynta ban iarap ia ki shem lanot, kiba shah ktah na ka khlam covid, U bah SK Sunn MLA Mawphlang, u pynlut T.25 lak ban iarap ia ki shem lanot na ka khlam covid.
Ym tang katta, ka jingwad jingtip jong U Rupang, ka pyni shuh shuh ba ha East Khasi hills, ki don ki MLA, kiba pyndonkam ia ka MLA skhim jongki, na bynta u snem 2021 ruh, na bynta ban iarap ia ki shem lanot Covid bad kitei ki kynthup ia U Bah Gavin Mylliem, uba pynlut T.50lak; nangta U Bah AL Hek, u pynlut hi T.50lak, U bah HM Shangpliang, U Bah Charles Pyngrope, U Bah Balajied Synrem, U Bah PT Sawkmie, U Bah Lambor Malngiang, U Bah Hamletson Dohling bad U Bah SK Sun.
MLA ka Ribhoi kim pynlut mo