Nongpoh: Ka khubor kaba la ioh ban kren na kiba bun ngut ki riew paidbah, la ong ba ki don ki Nonkhaii jhur kiba dei ki Khasi, ki bteng ban leh ia ki kam Khaii jhur jong ki, da kiba ki iatreilang bad ki bar jylla kiba sah ha ki thain Sunapur Assam, kata da kiba ki pyndonkam lyngba ka surok 14Mer Byrnihat bad mih sha ki shnong kiba don ha katei ka thain Sunapur.
Ki la don kiba ong, ba ki iohi bad lap ba kitei ki Nongkhaii ki shah leh ia katei ka kam khaii ha ki por kaba baroh ki briew ki dang iohthiah lyngai, kata ha ki por 2 haduh ki por 4 baje ei ei mynstep, da kaba shim kabu halor ka jingbym don kiba ap pahara ia katei ka surok, ha kaba ynda ki la dep ban thied jhur na kitei ki briew kiba sah ha katei ka thain Sunapur, ki la wan pat ban die ha ki shnong bapher bapher kiba don ha Ri Bhoi.
Lah ruh ban kdew hangne, ba ka sorkar jylla ka la pyrkhing bha ia ka leit ka wan ki riew paidbah, kata da ka jingthmu ban khanglad ia ka jingsaphriang u khning jingpang COVID-19, ha kaba la khang wat ban leit na kawei ka Distrik sha kawei pat kiba don hapoh ka jylla, hynrei kitei ki riew shim kabu kiba khlem pyrkhat ne burom shuh ia ki jingbthah ka sorkar, kim salia ban leit kam wat shaduh u pud u sam ka Assam, kaba dei ruh kawei na ki jylla hapoh Northeast kaba don bun kiba la ioh ia u COVID-19.
Ha ka jingshisha katei ka surok na 14Mer sha Sunapur, la dep ban khang na Meghalaya bad Assam ruh kumjuh, hynrei ka long pat kaba sngewlyngoh ban iohsngew na ka sur jong kiba bun ki riew paidbahm, ba ki dang don ki Nongkhaii Khasi kiba dang bteng ia ki kam Khaii jhur ka jong ki, da kaba ki iatreilang bad ki Bar Jylla kiba na Assam.
Phi don ban ong eiei?