Don ka krem, ha kaba la antad, ba U President ka Sri Lanka, ula phet rieh ialade

Ka khubor jong ka India Today, ka iathuh ba mynta ka sngi, la lap ia ka krem, kaba la ngeit ba U President jong ka Sri Lanka, ula pyndonkam ban phet rieh ialade, hadien ba u paidlang katei ka ri, ula leit ban kurup ia ka iing sah jong U President Gotabaya Rajapaksa.

Ki pulit jong ka Special Task Force (STF), kiba don ha katei ka dulan bah jong U President, ki la lap ia katei ka krem, kaba don ha khrum jong ka jaka sah jong U President ka ri. Katei ka jaka, ka dei kaba la tap bha bad kaba hap ban leit sha katei ka jaka, da ka lift, kaba kiew bad kaba hiar bad ia ka jingkhang jongka, ym shym la iohi satia, da ki riew paidbah.

Katei ka jingkylli, ka mih, la U President Gotabaya Rajapaksa, ula phet rieh shisha ne em, na katei ka jaka sah jongu; hadien ba u paidlang katei ka Ri, ula leit ban kurup ia ka iing sah jongu, ha kaba ki la lap ruh ia ki million ki tyngka pliah ha ka iing sah jongu, nangta, ki ia sum pyngngad ha ka jaka sum jongu bad ki ia kilan met ha ka gym jongu bad ba ki ia shet ia tiew ruh ha ka iing shet ja jong U President.