Ka jingiap briew ha United Kingdom, ha ki 24 kynta ba ladep, ka la poi sha ka 759 ngut bad kumta baroh kiba iap haduh mynta ki la poi sha ka 18,094ngut.
Kiwei ki khubor, ki iathuh ba la antad ba kin don palat 25,000 ngut ki ban iap khlem da ioh jingkhein kaba biang, na ka jingpang COVID-19, ong ka jing buddien halor ka jingiap briew ha ki 11 tylli ki Ri jong ka pyrthei.
Tang ha u bnai ba ladep, la iathuh ba ka jingiap ka tam bun shah, ban ia kaba la pynbna ha ki ri bapher, ong ka khubor jong ka The New York Times bad katei ka kynthup ia kiba bun, ki bym shym leit shah sumar ha ki hospital bapher.
La iathuh ba ha Paris, ki don ar shah kiba iap, na kaba ioh jingkhein man la ka sngi, wat la katei ka dei ka jaka, kaba kiba bun ki ju ioh pang flu bad ha New York, la iathuh ba ka jingbun kiba iap, ka long palat saw shah, na kaba ioh jingkhein. Katei ka khubor, ka shim ruh ba katei ka jing duna kiba ioh jingkhein, ka long namar ba ki tiar kiba thew kim biang, wat la kam dei satia ka jing bakla ha ka jingniew ia ka jingdon kiba iap. Kat haduh mynta, ki don 165,000 ngut kiba haduh ka sngi hat majai.
La iathuh ba ha Istanbul, ka jingiap briew, kaba la ai jingkhein, ka long 2,100 hapdeng ka 9tarik Lber haduh ka 12tarik Iaiong, hynrei la shim ba ka jingiap, ka long palat ar shah, na katei ka jingkhein.
Ha U Lber, ka sorkar Indonesia, ka ai jingkhein, ba ki don 84 ngut kiba iap na ka khlam coronavirus ha Jakarta, hynrei la iathuh ba ka jingleit tep briew ha katei ka nongbah, ka palat ia ka shi hajar ngut.
Ha kiba bun ki ri Europe, la iathuh ba ka jingiap, ka tam hapdeng ka 20 haduh 30 percent, na kaba ai jingkhein bad ha katei ka jingkhein, ki don palat da ki phew hajar kiba la iap.
Ha France, la iathuh ba ka jingai jingkhein, ka sdang naduh U Iaiong 2020 bad ki 24 tylli ki Ri Europe, ki pdiang ba ka jingiap ha kine ki bnai ba ladep, ka long palat, na kaba ju dei ban iap bad na ka jingkhein, kaba kim shym la khmih lynti.
Phi don ban ong eiei?