Don ka jingdawa pynhap shuki ia ka Deborah, Ampareen?

Shillong, 7 Naiwieng:
Ha ka jingialang jong ki heh Congress, kaba long mynta ka sngi, ha kaba ki pyrman na Delhi, ki la wan ban ia don lang, ka la don ka jingiakren sop sop, kaba jur bha ha ki MLA jong katei ka seng bad kata ka long, la ki heh AICC, kin pynhiar shuki noh ne em, ia arngut ki myntri, kiba don ha ka jingshah kynnoh thoh bria bad kitei ki dei kiba kynthup ia ka Deborah Marak myntri Social Welfare bad nangta sa ia ka kong Ampareen Lyngdoh myntri kam pynroi sor, kaba shah pynbudnam halor ka jingpyndam sia lieh, ha ka jingthung kam nonghikai skul Lower Primary.
Wat la ia ka shuki nongialam, la sngewthuh, ba kam da paw eh, ha ka jingiakren kaba long mynta ka sngi, hynrei, kiba bun ki MLA, kiba wan ha katei ka jing ialang,ki ia pasiaw bha para ma ki, ia ka nusip jong kitei ki arngut ki myntri, ha kaba la sngew thuh, ba ki kwah ba ka AICC, kan kren da ka sur kaba shai, halor ka jing ia dei bad kitei ki arngut ki MLA, kiba la shah pyn thoh bria, namar kitei ki jingshah kynnoh jongki ha ka jingiadei bad ki kaikhlaw, kum ia ka Deborah Marak bad kumjuh ia ka kong Ampareen Lyngdoh, halor ka jingiadei bad ka kam pyndam sia lieh, ha ka jingthung nonghikai.